【聲明】港生活網站並無進行電話推廣活動

「閃爍尖東耀香江」亮燈 多媒體幕牆各具特色

發佈時間: 2021/11/12

每年聖誕節黛安都會走去睇燈飾,由東尖沙咀地產發展商聯會主辦嘅「閃爍尖東耀香江」,今年已踏入第39年,區內及海濱長廊一帶多棟大廈嘅外牆燈飾噚晚已亮燈,照耀維港兩岸,提早帶來聖誕氣氛。

今年唔少燈飾都好吸引,例如尖沙咀中心同帝國中心,就以8.2萬顆變色LED圓點組成多媒體幕牆燈飾,播放Disney+ 6大品牌,包括迪士尼、Marvel等聖誕燈飾影片;南洋中心外牆則掛上「V Love HK」字眼,更有薑餅人手持氣球從天而降;帝苑酒店亦掛上38顆有閃爍動態效果嘅巨型雪花,各有特色。

另外,聯會成員商戶亦會提供折扣優惠,市民只要瀏覽聯會網頁,到指定酒店同商場嘅商戶出示網頁內嘅折扣優惠即可享用,優惠高達75折㗎,詳情可【按此】參考。

「閃爍尖東耀香江」亮燈 多媒體幕牆各具特色

尖沙咀中心及帝國中心一帶,以8.2萬顆變色LED圓點組成多媒體幕牆燈飾。

撰文: 黛安 消息特靈八卦公關
欄名: 八卦名利場