研發自家品牌曲奇｜鄺潔楹唔理濕疹復發勁試食甜嘢 「為咗事業硬住頭皮上…」

有「哈比女神」外號的Judy鄺潔楹，今年8月將個人興趣變成生意，成立甜點品牌「Petitesserie」，在網上售賣低糖曲奇。最近忙於新劇《四十二章經》拍攝的她，因為長期戴假髮開工，引致頭皮濕疹復發，可是又撞正研發新產品，食了很多帶甜的東西，自不然令濕疹不受控，身為老闆娘及整餅師傅的Judy，表明堅持為事業硬住頭皮向前衝。

同場加映：張頴康承諾外父加倍愛錫麥雅緻 被封完美暖男：全因遇上對的人

{{hket:ul-video id="4627"}}{{/hket:ul-video}}

{{hket:inline-image name="2.jpg"}}{{/hket:inline-image}}

{{hket:inline-image name="1024_174ceaeb760745f01020d80a1a0851e2.jpg"}}{{/hket:inline-image}}

Judy指「Petitesserie」暫時投資了5位數字，皆因未成立私人廚房，「始終未知外間反應係點，所以唔敢太使錢喺廚房度，之前做過資料搜查，知道一個理想廚房都要7位數字，而家就租用廚房先。」她透露公司未有實體店，不過已經開了3次pop up store（快閃店），先後在淺水灣、將軍澳及銅鑼灣的商場賣餅，每個地方營運3至4日，成績對她來講叫合格，已計劃年尾聖誕節會於3個不同地方再開，現時期待的心情是超興奮。

哈比女神丨鄺潔楹因身高問題愧對男拍檔 美國黑人區成長出絕招自保【下一頁】

至於何時開實體店舖？Judy話：「呢個係計劃之內，但首要搵到心水地方，同埋要物色多啲人手。一開始時係自己擔當整餅師傅，但而家拍劇好難抽身去整，惟有勤啲去檢測品質，因為請咗人幫手去整餅，當然想製成品接近我整嘅味道。（整餅時有甚麼趣事？）頭兩個月時因為未開拍《四十二章經》，試過有次由朝早10點整到夜晚12點幾，但我都未整完，其實都幾開心，接到唔少訂單，散水餅、店舖開張及婚宴等等，而家又有供應畀cafe，好開心係有咁成績。其實一開始係好擔心，家人朋友試完都嗌好食、叫我開舖賣，嗰刻有諗過係咪大家自high，只係好畀面嗰隻，開心做出嚟係比我想像中好。」

《愛回家》拜金Venus｜「哈比女神」鄺潔楹爆進化黑歷史 被哥哥質疑：覺得我係整過容【下一頁】

原來Judy本身好鍾意食甜品，曲奇更是她煲劇時至愛，還要伴雪糕一齊食，而覺得新鮮焗出來的曲奇是最美味，於是私下研究了不同口味，笑言家人是最有口福的人，「後來有個朋友係做PR工作，提議我嘅曲奇推出市面，話低糖產品很配合時下注重健康嘅人，應該share給大家。（跟市面曲奇有甚麼不同？）食譜是自我研發，由麵粉嘅牌子至甜度，及配上咩材料，係試咗好多次先發展到大家而家食到嘅味道，全部是我鍾意嘅口味。今個聖誕更會出應節嘅產品，會推出紅絲絨曲奇，配合返聖誕節嘅紅色，仲有限量200盒聖誕特別版，內有8塊曲奇，味道有紅絲絨、斑蘭椰子、雙重朱古力及香蕉朱古力味等。我嘅曲奇比市面牌子較低糖及少油，呢個係做自己牌子嘅原因，市面上好多都好食，但有啲一塊太膩，很難先食得晒。（品牌未來發展方向？）除咗曲奇外，我都想出蛋糕，但要諗多啲先，因為市面上太多，要諗多啲嘢特別過人先得。」

（↓點擊放大睇圖片↓）

Judy繼《七公主》後再接拍《四十二章經》，有份演出的《十月初五的月光》亦於今個月出街，到時她又要拍劇又要宣傳，相信會有排忙。Judy話：「最近係拍緊《四十二章經》，當中辛苦位係日日要戴住頭套開工，由9月尾拍到而家都個半月，因為本身有頭皮濕疹問題，每日戴頭套至少10個鐘，濕疹狀況又出現，又甩多咗頭皮，加上有濕疹唔應該食太多甜嘢，自己又經營曲奇生意，最近又要研發新口味，試咗好多唔同食譜，keep住食好多曲奇，所以濕疹狀況幾嚴重，但係都無計，為咗事業惟有硬住頭皮上。好開心今次有好多《七公主》合作過演員，大家好有默契、好夾，同戴耀明有好多對手戲，擦出唔少化學作用，出嚟係幾好笑，佢真係好有經驗演員，同佢一齊好快帶到我入戲。」她又爆自己烏龍嘢，因為角色的爆炸頭造型太誇張，試過幾次黐到身邊的魔術貼，結果被扯住頭髮行唔到。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}