蠟筆小新夥Chocolate Rain登陸新都城 潮遊冬瀛

《蠟筆小新》一家已陪伴大家30年，黛安收到風，MCP新都城中心今年特別請到《蠟筆小新》同本地品牌Chocolate Rain合作，即日起至明年1月2日喺商場舉行《蠟筆小新x Chocolate Rain冬瀛樂遊趣》活動，大家可同萌爆嘅小新一家及Chocolate Rain主角Fatina齊齊暢遊日本6大名勝，行完一轉好似去咗日本咁正呀。’

場內特設6個日本名勝景點主題裝置，如富士山、別府溫泉鄉同白川鄉等，大家可同野原一家及Fatina一齊打卡影相；MCP DISCOVERY則會化身為老少咸宜嘅「冰雪樂園」遊樂區，H‧COINS會員更可免費參加「擲雪球大師」及「極地冰壺大挑戰」活動，有機會贏取限量禮品㗎。

除咗影相同玩遊戲，商場亦設有「冬瀛樂遊趣期間限定店」，發售過百款《蠟筆小新》30周年同Chocolate Rain獨家限定產品；只要以電子貨幣即日消費滿500元，憑最多2張唔同商戶嘅100元即日有效電子機印發票，即有機會換領獨家聯乘限量禮品一套。