廣告酬勞飆升｜MIRROR成員傳出騷身價高達50萬 AK：希望報道講嘅係真

MIRROR人氣越來越勁，身價自然成正比，有傳成員姜濤、江𤒹生（Anson Kong）、Anson Lo（盧瀚霆）及Ian（陳卓賢）的出騷價錢，一場叫價高達50萬，同時廣告酬勞亦大幅上升。MIRROR如此受粉絲歡迎，自不然成為大型騷的表演嘉賓，據知他們落實演出旅發局的跨年騷，無綫因此亦作出部署，擬力派李克勤、Twins、張學友及陳奕迅等助陣，勢以一眾高知名度前輩歌手對撼MIRROR。

{{hket:inline-image name="1024_8f335703-5642-463c-b307-70e4ad14f8ef.jpg"}}{{/hket:inline-image}}

{{hket:inline-image name="1024_954d37c7-ae0e-40a6-a9d9-b63193950bbe.jpg"}}{{/hket:inline-image}}

{{hket:ul-video id="4653"}}{{/hket:ul-video}}

MIRROR今日（15日）出席電訊商活動，在台上跳唱《BOSS》和《ASAP》，吸引數百「鏡粉」在場外支持。MIRROR在活動後受訪，對於廣告身價越來越高的傳聞，Anson Kong表示：「我真係唔知，冤枉呀，老爺！咁希望報道講嘅係真，因為只係知我哋工作係咩類型、邊個牌子，但我哋就唔知道個金額（即酬勞）。」在旁Lokman（楊樂文）作補充：「我哋好少問呢啲價錢嘢，我哋純粹問今日同聽日有咩做，喺我哋世畀剩係充斥今日同聽日係點樣，有冇早餐食係第一樣要問嘅嘢！」

提到同無綫倒數活動對撼，Ian話無留意，Lokman表示：「如果大家一齊做除夕騷，大家開心倒數，咁完咗時我哋就睇番佢哋重播，佢哋又睇番我哋重播，大家再倒數一次就再開心啲。」Anson Kong亦認為普天同慶的日子，應該是百花齊放，一齊開工就開心。

MIRROR衝金│姜濤認打波有脾氣會改善 Jeremy認抽中居屋好好彩【下一頁】

此外，Edan（呂爵安）、Alton（王智德）及Stanley（邱士縉）正拍攝新劇《i.SWIM》，寒冷天氣下要落水，可謂有苦自己知。Edan說：「呢段時間係幾誇張，凍到……可以問吓Alton，佢有好深感受。」Alton話：「爭啲暈咗啦！因為上水同落水呢吓，係『來回地獄又折返人間』，因為好大風，水入面還好，一上水再加埋涼風陣陣，我的確有啲身體反應……即係作嘔、抽筋，咩都出晒嚟，但係都頂得住，MIRROR嚟㗎嘛！」Stanley亦話有凍親，但很開心成班男仔好熱血去做一件事。

MIRROR粉絲抵冷入昂坪霸靚位 姜濤憂心失眠：希望大家平安【下一頁】

Edan的粉絲最近鬧內訌，他直認不諱：「佢哋可能有少少意見不合情況，都有一段時間……我都想佢哋和睦共處，互相尊重，做一個有禮貌嘅粉絲，咁就最好。（已經和解？）我眼見係好咗，希望未來越來越好。」

（↓點擊放大睇圖片↓）

姜濤於個人紀錄片《答案》中，自覺患有抑鬱症，今日他大派定心丸，表明真實情況沒有那麼誇張，只是「懷疑自己有」，而這段片已拍了好多年，現在已經不是當時的狀態，叫粉絲們可以放心。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}