帶貨悲歌︱溫兆倫呻人氣下滑賣衛生巾 陳嘉佳爆喊畫面助手冷血「利用」

現年56歲的溫兆倫早喺十幾年前就北上發展，除咗出騷同帶貨之外，為Keep人氣佢都不時喺抖音分享短片同網民互動。日前溫兆倫喺屋企開Live，期間不時對鏡頭指手畫腳，情緒激動又面紅紅，疑似飲醉酒，之後更加「酒後吐真言」。

同場加映： 張頴康承諾外父加倍愛錫麥雅緻 被封完美暖男：全因遇上對的人

{{hket:ul-video id="4627"}}{{/hket:ul-video}}

{{hket:inline-image name="FmiooR5yDHG1tdCfv7EkG-EOXI8jEt6UgW5d0YFuXdE.jpg"}}{{/hket:inline-image}}

溫兆倫突然大吐苦水：「我們做明星的表面看起來光鮮亮麗，其實比坐牢還慘。我不像別的明星，有人幫忙錄視頻，所以人氣高，我的直播間怎麼只有兩千人都不到，明明我剛開直播的時候有三萬人。」佢嘅太太趙庭見狀即刻揞住佢嘴，制止佢繼續講，更提醒溫兆倫係時候結束直播。

溫兆倫曾參演《義不容情》、《我本善良》、《今生無悔》等經典劇集，憑靚仔外形同出色演技大獲好評，更獲封「師奶殺手」，不過感情方面就醜聞不斷，被指係世紀賤男；後來佢轉戰內地發展，成為較早一批北上發展香港藝人，近年更多次參與公益活動，成功洗底。除咗演藝工作，溫兆倫更大搞房地產及美容美髮生意，身家暴漲，現時身家已經過億，於北京、南京等多地都有物業，又不時喺社交平台大曬名車。不過據知溫兆倫如今接到的演藝工作唔多，直播帶貨成為佢主收入來源；佢仲唔多揀擇，早前賣埋衛生巾、同安全褲等女性用品，可惜線上觀看直播的人數只有一千人左右。唔少人覺得佢56歲仲售賣女性用品感覺「折墮」又尷尬，不過亦有人認為冇問題，而且「食得鹹魚抵得渴」。

無獨有偶，有「細細粒」之稱嘅陳嘉佳（小寶）近年主力北上發展，日前直播期間都出事引起大家討論！

細細粒帶貨時突然哽咽講：「我以前在香港的時候，我經常會看到你們都說一年才能……都說一年才能回家一次，我從來都沒想過我會離開我媽那麼久。」當時細細粒情緒激動，不時轉身抹眼淚，好陰功咁。

不過喺細細粒情緒崩潰之際，身旁嘅內地女助手竟然立即利用呢個畫面，舉起兩包即食包繼續帶貨。最後，細細粒惟有自我安慰兼打圓場：「真的是為了生活，沒關係咱們就打工嘛，沒關係咱們就好好努力。」唔少網民都批評女助手冷血無人性，帶貨帶到麻木咗，非常恐怖！

{{hket:inline-image name="W.jpeg"}}{{/hket:inline-image}}

{{hket:inline-image name="Whats.jpeg"}}{{/hket:inline-image}}

{{hket:inline-image name="WhatsA.jpeg"}}{{/hket:inline-image}}

撰文：黃蘊姿

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】