東張西望│聾啞女美華不敵惡霸保安娟姐 林希靈發惡維護：真係火都嚟

《東張西望》一連三晚報道李鄭屋邨「美華在家門外露宿」事件，事件引起社會各界關注，網友們都議論紛紛，同情美華的遭遇之外，更在網友聲討霸佔單位的保安員阿娟。昨晚《東張》播出系列最後報道的第三集，主持人林希靈終於成功等到阿娟回家開門，阿娟亦願意接受訪問，但她的前言不對後語，再加上無限的無賴金句，實在令人髮指，網友們都紛紛到TVB Facebook留言鬧爆發洩，人神共憤。

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

東張西望│聾啞女喪父後被女保安鵲巢鳩占 屋企遭換鎖門外露宿 街坊抱不平【下一頁】

{{hket:inline-image name="hei10.jpg"}}{{/hket:inline-image}}

{{hket:inline-image name="hei1.jpg"}}{{/hket:inline-image}}

{{hket:inline-image name="heI2.jpg"}}{{/hket:inline-image}}

阿娟最終肯開門，不過只讓外景主持林希靈和攝製隊內進，拒絕美華入屋，又以命令口脗要美華當日必須清走所有個人物品，否則報警處理。阿娟接受訪問時表示自己好用心照顧生前患重病的美華爸爸，對方邀請她同住，又稱是美華爸爸主動要求立遺囑，將樓宇轉名給她，「得到層樓係應份」，她續稱：「有付出就有收穫！」爸爸沒有留下任何遺產給女兒，阿娟則指美華爸爸認為女兒有政府幫手，所以沒需要留下任何東西給她。

阿娟稱物業不是送贈，她答應美華爸爸為他付殮葬費，又替他還錢6萬元給舅母。不過，美華爸爸年屆90歲，不知道舅母今年貴庚？另外阿娟亦前言不對後語，後來又揚言自己有畀錢買樓；這時，林希靈指去土地註冊處查過，單位冇涉及交易，只係遺產執行，阿娟即時語塞，發嬲鬧林希靈！林希靈據理力爭，阿娟發惡關門送客，趕走所有人。

阿娟無賴金句：
「你咪去陰間問佢（美華爸爸）囉！」
「佢話死落去香都冇得食，就係呢句說話，我先要（呢間屋）！我認為人都死喇，等佢舒舒服服，咁我咪要呢層樓囉！」
「我照顧伯伯，有付出梗係有收穫，我付出喇，仲算呃呀？」
「佢畀呢間屋我，我一樣畀番間屋（先人牌位）佢！」
「應該係太好人累事變成咁囉。」
「佢爸爸交帶我唔使理佢（美華），我係聽死人話，我係唔聽生人話！」
「有一蚊貢獻，我都會畀佢喺度住。」
「我個仔要結婚生仔，有間屋唔住，要嚟做咩？」
「你都可以喺度瞓，做乜唔可以出街？」
「我仲冇人性呀？我畀佢住咁耐仲冇人性？你屋企買咗你咪畀佢住囉！」

東張西望│馬鞍山公屋單位傳惡臭曱甴通屋走 林希靈勇闖採訪：要頂硬上【下一頁】

《東張西望》找來律師團隊求助，律師指美華曾經付出10萬買樓，有證有據絕對是擁有該物業的部分業權，而由於美華一直依賴爸爸照顧，故可以在遺產提取生活費養活。不過美華需要先申請法律援助，亦要申請公屋臨時房屋暫住，兩樣都需要時間。

{{hket:inline-image name="hei23.jpg"}}{{/hket:inline-image}}

{{hket:inline-image name="hei24.jpg"}}{{/hket:inline-image}}

不少觀眾在網上留言鬧爆阿娟之餘，亦大讚林希靈採訪過程中據理力爭，絕對是TVB的清泉，提醒她要加油，並希望她可以繼續跟進事件，不要不了了之。林希靈接受《晴報》電話訪問，她表示：「其實已經採訪過好多唔同個案，但今次成隊攝製隊都覺得好慘，見美華瑟縮一角又好多日冇得沖涼，由於成日坐住冇得瞓，搞到對腳腫得好厲害。」她表示最感動是全層街坊同其他保安員都力撐美華，協助攝製隊拍攝希望可以為美華伸張正義，感覺眾志成城。

問到買外套是否她的建議，林希靈指大家都好想幫美華，除了買禦寒衣物及暖包給她，還帶食物予她充飢。她說：「最感動係佢收到件外套時開心到喊，覺得我哋對佢好好，後來再見佢，街坊話美華咁多日就算回暖都唔捨得除低件外套，聽到真係好心噏。」對於與阿娟對質，林希靈指通電話時已經「火都嚟」，後來沉住氣努力說服阿娟回家開門，「見到佢真人真係激嬲，所有攝影師都嬲到爆，美華仲擔心我哋同阿娟對質會被攻擊受傷，好窩心又心噏，感覺到佢之前一定對美華好粗暴！」

{{hket:inline-image name="hei21.jpg"}}{{/hket:inline-image}}

{{hket:inline-image name="hei25.jpg"}}{{/hket:inline-image}}

{{hket:inline-image name="251593456_266506855367833_8425090154362908479_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}