《愛回家》熊家龍家兩大婚禮舉行在即 龔水爆婚期 蓮輝感激觀眾證成長

《愛回家之開心速遞》演員今日出席宣傳活動，包括劉丹、羅樂林、滕麗名、蘇韻姿、袁文傑等等，大家齊齊玩遊戲，張景淳「力的表現」抱起拍檔呂慧儀，非常賣力；同時《愛回家》上下都以「感恩」為主題，作出分享，其中最有趣的是羅樂林，他以「大龍生」身分說：「最感恩係個女終於嫁得出！同埋三太白天娥（樊亦敏飾）唔喺身邊，耳根清靜……一陣啦！佢好快返嚟！」連大龍生都話嫁女，似乎大小姐龍力蓮（林淑敏飾）已經有嫁期，準備成為送水輝（許家傑飾）的太太。

{{hket:ul-video id="4715"}}{{/hket:ul-video}}

愛回家│大小姐送水輝歷盡風雨終於訂婚 事隔兩年終「找數」做宋太？【下一頁】

{{hket:inline-image name="DSC_8297.JPG"}}{{/hket:inline-image}}

{{hket:inline-image name="DSC_8325.JPG"}}{{/hket:inline-image}}

{{hket:inline-image name="DSC_8278.JPG"}}{{/hket:inline-image}}

{{hket:inline-image name="DSC_8170.JPG"}}{{/hket:inline-image}}

林淑敏和許家傑接受《晴報》訪問，女方笑言：「我哋守秘密咁辛苦……點估到爸爸一句感恩說話玩踢爆，不過結婚前仲會有波折，其他就唔劇透得住，留少少新鮮感同刺激畀觀眾，最重要婚禮唔係結果，會繼續一路發展落去。」提到大小姐與送水輝這熒幕情侶拍足幾年拖，老拍檔都越來越合拍，許家傑說：「而家出街啲人見親我都問我大小姐喺邊，好開心呢幾年建立咗好好關係，好似一家人嘅感覺。」

林淑敏大讚見證好拍檔一路成長，「唯一不變係仍然咁靚仔！」許家傑則說：「多謝監製，佢話我算係最有成長嘅角色，由送水男慢慢送到變宋總監。其實仲有個角色成長變化好大，就係Philip仔（梁禹勤飾），佢起初只係高我膝頭少少，而家高到去我心口。」

愛回家│龔燁熊若水過大禮率先被曝光 有「不速之客」現身實有驚喜【下一頁】

龍家有喜事嫁女，熊家一樣嫁女，劇中熊若水（呂慧儀飾）與龔燁（張景淳飾）正落力籌備婚禮，兩人透露近日忙於拍攝婚禮前、婚禮和婚禮後的劇情。張景淳接受訪問時一度忘記收起戒指，不慎劇透，他說：「都幾大陣仗，由籌備、過大禮、單身派對等等都會交代，如果鍾意『龔水CP』嘅觀眾，12月應該都好多嘢睇同好忙！」

呂慧儀大爆拍攝結婚相關的劇情時，兩人不慎將熊家將5年前沿用至今的一幅布景破壞了，最終要換新的，「好掛住舊嗰幅布景，而家已經換咗係新，大家睇劇可以留意吓，睇吓睇唔睇到！」他們透露大婚之日是12月27日，預計12月27日播出，希望陪住觀眾度過聖誕節和新年，而且，不止一集！張景淳補充：「最緊要大家繼續支持『龔水』同《愛回家》每一位，近日粉絲幫我哋安排嘅巴士車身廣告，真係好好睇，好流動性，好吸引。暫時拍攝工作太忙，未有機會遇上，但真係好多謝大家。」同時透露12月27日考慮一齊在網上做直播，與粉絲分享喜悅。

{{hket:inline-image name="DSC_8124.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉