《愛‧回家》「龔水」下月大婚 呂慧儀︰拍攝時整爛熊家布景

呂慧儀、張景淳、林淑敏、許家傑及羅樂林等，昨日宣傳處境劇《愛‧回家之開心速遞》，近日劇情喜事連連，「龔水」下月結婚，原來「大小姐」林淑敏亦嫁得出。「大龍生」羅樂林笑說︰「最感恩係個女終於嫁得出，同埋三太白天娥（樊亦敏飾）唔喺身邊，耳根清靜一陣啦！佢好快返！」雖然劇中「送水輝」向「大小姐」求婚已久，如今劇情發展終於有「嫁期」，許家傑笑說︰「依家出街，啲人都問我大小姐喺邊，好開心呢幾年好似一家人咁。」

「龔水」向來粉絲多，張景淳與呂慧儀透露劇中的大婚之日定於下月27日，現實中亦暫定在同日播出，呂慧儀大爆︰「熊家咁多年都用緊同一個布景，但因為我哋拍結婚場景時，唔小心整爛咗其中一幅，依家換咗新布景，到時大家留意下有咩唔同啦！」

採訪︰楊安莉

攝影︰林良明