裕美爆男友性癖貪自己「夠姣」 網民體諒林作媽：冇奶奶接受到佢

2020年裕美同林作戀情曝光，不經不覺二人已經拍拖年幾，但由開始到而家，林作嘅媽媽王莉妮（Lily）都冇認同過呢段戀情。王莉妮擺到明唔鍾意裕美，仲多次講明想阿仔飛起佢；裕美都曾經接受訪問表示王莉妮對佢有偏見，聲淚俱下。七師傅想喺節目《七救星》中幫二人和解都係無功而還，二人關係好似仲鬧得更僵，去到「有你冇我」嘅地步。原本大家都有啲同情裕美被「歧視」失婚，不過日前佢又爆出大膽言論，網民都開始體諒林作媽。

同場加映： 星空下的Liza│姜麗文演技獲肯定成秦沛驕傲 「星二代嘅努力不應被忽略」

{{hket:ul-video id="4691"}}{{/hket:ul-video}}

{{hket:inline-image name="2021-08-16-18-05-29KCdmGcAN.jpg"}}{{/hket:inline-image}}

楊詩敏（蝦頭）和連詩雅（Shiga）主持YouTube節目《絲打圍爐》，日前裕美以嘉賓身分大談愛情觀同分享與男友林作嘅感情事。裕美就透露最欣賞林作給予佢安全感，甚至畀佢踐踏。佢更大爆自己曾遭到前度暴打：「我以前係一個奴隸咁，早午晚三餐都煮畀個男朋友食，佢就算點樣鬧我，用粗口鬧我都好，我都會講對唔住。我試過有男朋友直頭連異性聯絡都唔畀我有，佢檢查我部電話。（咁發現點算呀？）佢發現咪打我囉，仲要喺我瞓著咗覺拍醒我，朦朧之間整斷我部電話。」

當被蝦頭問到裕美介唔介意要同男友嘅前度比較時，裕美就衝口而出，話男友嘅前度「好巴閉」，回應：「但係佢係好憎個前度，死喇，呢句可唔可以講？因為佢係嗰啲分咗手就想佢死，即係唔好再畀我見到佢……佢唔會同前度做朋友，所以呢樣嘢咪就係有安全感囉。」裕美又講到林作嘅「性癖」，稱對方最愛貪方便「打飛機」，夠晒「快靚正」。佢仲露骨咁講出平日二人調情，林作會經常叫自己「姣」佢：「成日叫我姣佢，我問點姣你？佢問我可唔可以淫啲？我問點淫？佢話初初見我個樣咁淫賤先溝我，估唔到你返到嚟唔係咁，成個男人咁。」裕美就話會叫男友整吓容先，嫌佢唔夠靚仔。

裕美連條腸都反埋出嚟畀大家睇，唔少網民都睇到反白眼：「點解講嘢可以咁嘔心」、「個格好cheap……唔怪得之人哋老母咁唔鐘意佢。」又開始同情林作媽媽：「開頭仲以為林作老母歧視失婚婦人，後尾發現原來林老母反應已經唔算大」、「我開始明點解林作老母頂唔順條女」、「正常老母都唔會想要個咁嘅新抱啦。莫講話仲要有家底、住麥當勞道。其實完全明點林作老母咁憎佢，之前睇七師傅個條片，佢老母好有教養，佢就……」

而再次被抽水嘅麥明詩就非常從容，佢上載同黃德斌的合照，宣傳新劇兼回應再次被「提起」，留言：「不如講下我同德斌哥哥仲好。」打一句就可以四兩撥千斤收到更大宣傳效果，網民都大讚佢EQ同IQ都咁高：「唔怪得林作媽公開話想阿仔翻撻麥明詩啦。」

{{hket:inline-image name="W.jpeg"}}{{/hket:inline-image}}

{{hket:inline-image name="W1.jpeg"}}{{/hket:inline-image}}

{{hket:inline-image name="Whats.jpeg"}}{{/hket:inline-image}}