一起走過｜李影爆當年與劉松仁分開原因 相戀7年：最行得耐就係佢

由楊紹鴻同寶珮如主持的港台訪問節目《一起走過》，最新一集請來前麗的當家花旦李影同女兒沈穎婷做嘉賓。年約67歲的李影今年8月曾被傳媒撞到同男友撐枱腳，sweet爆當眾咀嘴，可是今次訪問未有談及男友，反而在女兒沈穎婷「助攻」之下，大方分享在麗的年代的感情生活。李影自爆早年曾被林嘉華追求過，並同劉松仁有過一段7年情。

{{hket:inline-image name="11232002.jpg"}}{{/hket:inline-image}}

{{hket:inline-image name="1024_472f2312a7c6288d7b36f93c7a940caf.jpg"}}{{/hket:inline-image}}

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

李影於1972年考入麗的訓練班，畢業後曾擔任配音員，後獲公司睇中捧為當家花旦，曾拍過《星星月亮太陽》、《半生緣》、《浪淘沙》、《大白鯊》及《人在江湖》等劇，之後移民加拿大而淡出娛樂圈。至於當年有否被同劇男主角追求？李影笑說：「梗係有啦，人見人愛嘛！」在旁沈穎婷加入「助攻」幫主持人問媽媽戀情，李影亦大方承認讀訓練班時有拍拖，「嗰時報紙已經有賣，識得我、同我熟都知公元前嘅嘢……係全世界都知。（沈穎婷大讚媽咪好長情，以前的是puppy love，覺得是開心事情。）都係一個個階段，譬如拍《巨星》，林嘉華追吓我……幾好吖，大家好朋友，唔通要做仇人？大家做同事一齊好玩，追（求）唔一定要好佔有你嗰種，啱唔啱先？」

前麗的當家花旦｜67歲李影孖男友撐枱腳甜蜜咀嘴 最緊要開心：今日唔知聽日事【下一頁】

李影之後開名講當年男友是劉松仁，始終是大眾已知事情，「最全世界都知咪係劉松仁，最行得耐就係佢。（拍咗7年？）係，網上成日都有寫啦。（因為了解而分開？）都有少少呢啲啦，咁當時大家又細個，大家嘅脾氣、大家做嘢忙……就係咁囉，好簡單，即係好似你同男朋友未必一定唔鬧交，啱唔啱先？（前夫不是這一行？）唔係呢行……我後尾好快結咗婚，好快離咗婚，幾年前佢（前夫）都sayonara（離世），即係人生另外一個階段。」

阿Sir早晨︱67歲李影為愛女沈穎婷回流香港 享受與不同電視台合作未言休【下一頁】

提到沈穎婷於2004年參加港姐，原來是黃淑儀在背後鼓勵她，再由程小東太太做提名人，反而身為媽媽的李影未有理會，李影話：「從來無理過，佢哋叫佢選咪選，當見識吓，無乜所謂，又唔會有咩得失，就算佢簽約TVB，我一次都無睇過。（無提點娛樂圈是甚麼一回事？）有，譬如提醒佢圈子複雜啲，始終嗰邊（加拿大）啲人直啲，呢邊就複雜少少；有次影相時佢肚餓就黑埋口臉，所以嗰時成日話佢黑面……香港成個圈子係唔同，到佢自己蝕咗、衰咗，就知囉，好多嘢要體會咗就知。」

（↓點擊放大睇圖片↓）

沈穎婷亦為自己當年黑面解畫：「因為我成日唔記得咗笑，佢畀我自由度好大，有好有唔好，好係自己可以去嘗試，唔好就自己撞板多啲……黑面嗰次真係胃痛，我唔知要笑咁多，從來無試過咁多人望住……媽咪真係乜都無講過，佢係由我，覺得係好事。我喺TVB時又係好free，當年簽咗3年約，當佢哋想續約時就過咗亞視，因為佢哋續約話畀好少騷我，人工唔係太高的話呢，亞視又畀到好條件。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}