十月初五的月光 | 莊思明爆男友喪食減壓暴肥廿磅 唔介意未婚生B官司完結嫁楊明

無綫台慶劇《十月初五的月光》日前終於播出，莊思明喺劇中飾演文初年輕版嘅媽媽，劇情講到莊思明因為文初生父張頴康拋妻棄子，為報復對方，莊思明灌文初飲漂白水，最終令到佢慘變「啞仔」。莊思明最後仲拋棄囝囝，留佢喺醫院畀Q姨（米雪飾）照顧。戲中做惡毒媽媽，不過現實嘅莊思明就同角色好大反差，非常恨生B！

{{hket:inline-image name="WhatsAp.jpeg"}}{{/hket:inline-image}}

同場加映： 《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

莊思明出席無綫台慶劇《十月初五的月光》首播活動，指自己現實中都有計劃做媽媽：「盡快啦！因為最近朋友生了BB，覺得好得意，每次見到即刻都想有自己的BB。」莊思明直言兩、三年前已經有諗過生，但男友楊明官司纏繞多時，打算等男友官司完結先計劃婚事：「始終唔想心掛掛，想解決啲問題先計劃終身大事。」佢指雙方家長比佢哋更心急，都唔介意佢哋先生仔後結婚，而自己都已經認定楊明：「但我比較擔心生完身形會唔會走樣，到結婚時唔夠靚。」

莊思明表示自己喺庭上雖然有喊，但未至於好激動，反而男友嘅契妹心情更激動，佢認為呢啲場合應盡量唔好表露自己心情。佢大讚男友堅強冇喊，且表現積極，心情不好都會食嘢，適逢大閘蟹「當造」，楊明都放鬆勁擦：「佢性格比較堅強同樂觀，佢呢排靠食嘢放鬆自己；佢都肥咗，因為想放鬆啲，佢減壓方法係食嘢，應該肥咗十幾至二十磅，不過好彩佢生得高大。（佢出名大隻同有六嚿腹肌喎！）佢而家有一嚿腹肌。」

問到對判決有冇覺得失望，莊思明回應：「現階段不想評論太多，會對佢不公平，我會喺身邊陪住佢。」

{{hket:inline-image name="156.jpeg"}}{{/hket:inline-image}}

{{hket:inline-image name="WhatsApp.jpeg"}}{{/hket:inline-image}}

{{hket:inline-image name="What.jpeg"}}{{/hket:inline-image}}