陳家樂食燒鵝遇發哥︰開心過中六合彩

陳家樂日前在茶餐廳野生捕獲周潤發（發哥），他前晚在IG上載合照，笑言開心過中六合彩︰「頭先偷食燒鵝嘅時候，後面突然有一班行山客叫嘢食，突然佢哋問『發哥想食咩』，聽完後我個腦即刻高速運轉。行山加發哥，我計算到佢係發哥嘅機會率一定大過同花順！」

家樂轉身一望果然是發哥本人，他大讚偶像貼心︰「入行咁耐終於可以見到發哥！即刻膽粗粗問發哥可唔可以影相，影完之後佢仲見我鏡頭花咗影到矇查查，再用佢電話同我影再send番畀我。」老友黃建東留言︰「羨慕到流鼻血。」