男神廚房│Do姐勁錫住Aska竟然幫手煮 伍詠薇要求餵食被笑女色狼

《男神廚房》一連三集邀請到《聲夢傳奇》學員張馳豪（Aska）、林德信、伍允龍和Catry一齊下廚見真功夫，起初無論是主持鄭裕玲（Do姐）、王菀之（Ivana）還是嘉賓伍詠薇、周汶錡、陳曉樺，對Aska的廚藝都非常質疑，因為他比較年輕，而且一直走型男路線，似乎平日都十指不沾陽春水。結果，Aska煮完第一味菜，已經令大家另眼相看，原來靚仔背後都有廚藝，實在「加分」！

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

男神廚房｜Do姐鄭裕玲示範瑜伽動作曬個人柔軟度 伍詠薇周汶錡睇到擘晒口【下一頁】

{{hket:inline-image name="ASK21.jpg"}}{{/hket:inline-image}}

Aska第一次亮相TVB的綜藝節目，表現明顯非常拘謹，連眼都不敢直視Do姐等人，伍詠薇笑笑口：「好乖仔，好鍾意呢啲！又乖又有禮貌又高！」她作狀在Aska身邊扮度高，然後一個身挨落Aska膊頭，試食時又要求Aska埋身餵她，Do姐都忍不住大笑：「唔好意思Aska，我哋請咗班女色狼嚟！」而身為人母的周汶錡亦撒嬌為Aska摘下「處男廚神」的徽章。完成第一道菜之後，女主持和嘉賓們都對Aska另眼相看，而一向奄尖的Do姐都畀最高500分Aska，「係呀，真係好食，而且我覺得佢好Charming！」

當幾位「男神」參賽者炮製第二道菜式時，Do姐以往都是跟女嘉賓一齊落四位廚房中問問題或者試味，沒想到Do姐竟然「激罕」默默幫Aska手煎薄餅，連伍詠薇都忍不住出聲：「Do姐你留喺呢度唔走呀喇喎？」Do姐直言見Aska動作慢，主動幫忙，Aska連忙向Do姐道謝，非常怕醜。最終完成菜式，Do姐繼續大讚：「我覺得佢個人好仔細，審美眼光幾好。」

Aska隨後在IG與何晉樂（Rock）一齊開直播，Aska直言上節目非常緊張，因為自己廣東話不太好，而且現場每一位都是前輩，好怕講錯說話被誤會沒禮貌。而不少Aska的粉絲都感激Do姐愛錫Aska，對後輩非常支持。

男神廚房｜周嘉洛鬼仔性格攬攬媽咪示愛 孝順抽空黐家媽媽反而匿入房？【下一頁】

今晚一集將會播出以「親情」為主的菜式，幾位男神都會分享到自己的人生故事，沒想到將原本搞笑的環節變成大派洋蔥，全場都哭成淚人。伍詠薇含淚談及自母親離世後內心的傷痛及空白感：「我唔講得我媽咪架…我真係完全接受唔到我媽咪離開，我發現原來自己冇咗媽咪唔得…自從我媽咪離開咗，你問我意義係乜，我其實講唔到…」

何廣沛亦哽咽分享嫲嫲過身的不幸經歷，「十年前我嫲嫲過身，當時我唔喺香港，我唔開心冇辦法返嚟見佢最後一面，又乜都幫唔到，係我嘅遺憾…」至於Hilda亦有感而發地分享了自身的傷痛經歷：「我爹哋都走咗，所以我明。我同爹哋由細到大都好Close…到佢走嗰刻，會覺得自己冇咗個支柱…有時啲嘢冇咗真係冇咗，所以我希望仲有機會做嘅人可以做多啲。」身為主持的王菀之由頭喊到尾，非常可愛。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}