姚子羚41歲生日「胡說八道」冇合體 與胞妹饒慧珊慶祝神秘妹夫現身

22歲就入行嘅姚子羚日前（11月21日）踏入41歲，相識滿天下嘅佢到噚日仲慶祝緊，總共切咗成8個蛋糕，人緣非常好呀！經過一輪慶祝，子羚終於得閒網上曬靚相，雖然有唔同「單位」同佢慶祝，不過佢就見唔到佢「胡說八道會」嘅一班好姊妹；最搶fo嘅莫過於佢好少合照嘅靚女細妹以及第一次曝光嘅「神秘」妹夫。

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

{{hket:inline-image name="252658450_585030129416479_9219805711360141186_n.jpg"}}{{/hket:inline-image}}

子羚在正日當天選擇咗同妹妹，表妹和愛犬以及澳洲嘅朋友一齊慶祝，在IG留言「感恩。平淡是福，感謝每位的生日祝福」。網民大讚子羚完全唔似41歲，而細佢9年嘅妹妹饒慧珊（Sandy）同家姐一啲都唔似樣，素顏上陣嘅佢同樣都係女神級，散發住天然美。其實Sandy本身都有「幕前演出」，早喺2011年已經擔任主播，曾經報道財經新聞，大家可能喺nowTV或ViuTV都見過佢，中途試過離開又再重回nowTV成為高級新聞主播；早前又再離職嘅佢，暫時未知動向。

Sandy雖然有出鏡，但為人非常低調，佢同老公嘅社交平台都係私人帳戶，之前結婚嗰陣，子羚都冇post同妹妹以及妹夫嘅合照，只係得二人嘅拖手相，好神秘！不過呢日慶祝生日終於見樣，仲同佢哋嘅「仔女」大合照，非常溫馨呀！妹妹搶閘嫁人，大家都關心未有着落嘅子羚，亦未見佢同之前嘅緋聞男友Raymond慶祝；其實子羚一啲都唔寂寞，早前透露收到鮮花同男友人親手製作嘅蛋糕，雖然問到佢係咪有追求者時只係以「唔知呢」回應，不過佢嘅冧樣已經出賣咗佢嘞！

圖片來源：INSTAGRAM