聲夢傳奇｜Chantel人氣急升多男仔鍾意 姚爸爸勁擔心：成日喺佢身邊

《聲夢傳奇》學員姚焯菲（Chantel）於10月尾推出新歌《原來談戀愛是這麼一回事》，近日到電台接受鄭裕玲（Do姐）《口水多過浪花》訪問兼宣傳新歌。Chantel爸爸姚輝文罕有陪同囡囡出席訪問，更是第一次父女檔受訪！

{{hket:inline-image name="250190550_1550370018640697_745377925965385851_n.jpg"}}{{/hket:inline-image}}

同場加映：星空下的Liza│姜麗文演技獲肯定成秦沛驕傲 「星二代嘅努力不應被忽略」

{{hket:ul-video id="4691"}}{{/hket:ul-video}}

Do姐開首問到為甚麼Chantel爸爸如此鼓勵女兒參賽？姚爸爸表示：「其實所有嘢都發生得好快，一開始係畀佢拎經驗，除咗讀書之外都拎吓工作經驗，對佢人生有好大幫助。」

Chantel曾表示《聲夢傳奇》是她第一個參加的歌唱比賽，之前亦未接受過歌唱訓練。最初是姚爸爸留意到《聲夢傳奇》這個節目，又知愛女好鍾意唱歌，因此鼓勵囡囡參賽。姚爸爸指自己平時駕車接載愛女返學放學時，都會偷聽到愛女唱歌，覺得她有潛質所以鼓勵對方參賽。

{{hket:inline-image name="43_600_600.jpg"}}{{/hket:inline-image}}

今年只有15歲的Chantel由於未成年，所以所有工作及活動都需由父母陪同出席。姚爸爸笑言自己好忙，「我本身有份正職朝九晚六，有時Chantel放學要去拍嘢，我都會抽時間接佢出入。Chantel媽咪都會幫手，我主要負責接送。」他又指雖然辛苦但都值得，「因為呢件事（做歌手）係佢鍾意，同埋因為車佢入電視城，相處時間都多咗。」

姚爸爸放多了時間與大女Chantel相處，細女會否呷醋？「呢樣嘢要好小心處理，譬如家姐學唱歌，細妹都會向同一導師學習；家姐學結他，細妹又會一齊學。」Chantel表示自己小時候與妹妹關係不算好，但長大後變得越來越好。

{{hket:inline-image name="chantell.png"}}{{/hket:inline-image}}

Chantel人氣越來越高，Do姐問到姚爸爸會否怕囡囡越來越多男仔鍾意，他即表示：「都驚㗎！好擔心，所以咪要跟到足，成日喺佢身邊出出入入。」亦指會好留意囡囡心理變化，愛女亦向承諾爸爸讀完大學才出來工作；Chantel指想與爸爸一樣，讀business management。

Chantel與爸爸感情十分好，姚爸爸原來來頭不小，他今年53歲，是「今翊資本」（Nexus Point）的首席財務官及常務董事。他是美國註冊會計師，擁有威爾士大學（卡迪夫商學院）工商管理碩士學位及紐卡素大學文學士學位；更有25年基金管理和會計工作的經驗。而且姚爸爸保養得唔錯，但亦是型佬一名！

另外，昨日TVB上載Chantel個人單曲《原來談戀愛是這麼一回事》的拍攝花絮，讓一眾粉絲了解拍攝過程。「好鍾意呢條公主裙同妝容。第一次拍MV，有導演細心指導，教入戲。」Chantel受訪時續稱︰「好想有日可以唱到公主動畫系列嘅主題曲！」

{{hket:youtube id="gM0ytbWgM3s"}}{{/hket:youtube}}

聲夢傳奇｜14歲Chantel已獲無綫簽5年約 會計師父母栽培讀星級國際學校【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

{{hket:inline-image name="11.jpeg"}}{{/hket:inline-image}}

{{hket:inline-image name="22.jpeg"}}{{/hket:inline-image}}

{{hket:inline-image name="33.jpeg"}}{{/hket:inline-image}}