譚詠麟被指「睡」23歲粉絲登熱搜 甫疑似校長背影相應采兒畀like

內地娛樂圈近期嚴打「失德藝人」，以「導正」社會風氣，日前更發布《關於進一步加強娛樂明星網上信息規範相關工作的通知》，若藝人涉毒、嫖娼、私生活混亂、炒作緋聞或宣揚不良價值觀，甚至上社交平台微博熱搜榜頻繁等，都會被列管，但凡被點劣跡藝人，就唔可以喺熒光幕同直播平台出現，早前引起軒然大波嘅吳亦凡同鄭爽等人通通都冇得留低。而今日，香港樂壇巨星譚詠麟（校長）就登上咗熱搜，被指同女粉絲有曖昧關係。

同場加映：星空下的Liza│姜麗文演技獲肯定成秦沛驕傲 「星二代嘅努力不應被忽略」

{{hket:ul-video id="4691"}}{{/hket:ul-video}}

{{hket:inline-image name="001S3sf0ly1gwocloo489j61400u043d02.jpg"}}{{/hket:inline-image}}

71歲譚詠麟被一名內地男指控「撬長腳」，指校長「偷食」佢嘅23歲女朋友。呢名男事主發文表示本來好支持女友追星，喺雙十一之前無意中睇咗女友網上購物車，見到佢上個月買咗一件男士polo衫、男士香水但又唔係送畀自己；當仔細檢查女友手機後發現隱藏相冊中嘅相片，驚悉女友偷食對象係位名人歌手，又話女友呃自己去上海住兩日搵朋友實則係同呢位歌手發生關係！

{{hket:inline-image name="3ba079ea470f4485a2e45c5b903afe34.png"}}{{/hket:inline-image}}

該內地男表示女友年紀比出軌對象細4個圈（即12年為一圈，共相差48歲），怒斥對方沒有道德底線，更把粉絲送給他的禮物轉送給其女友。 內地男表示呢位「樂壇一哥」，喺擁有兩名妻子嘅情況下仲去內地「睡粉」，又指對方「二房」當年也是粉絲，最後更指名譚詠麟。該內地男聲稱，手中已經掌握了不少出軌女友手機中的照片，更持續在其微博更新最新想法和與「樂壇一哥」嘅粉絲對罵，粉絲一直攻擊他，指他因為沒有確實證據，而故弄玄虛上載疑似譚校長的背影圖。同時有眼利網民對比校長近照，背影圖同佢日前一身運動裝非常相似！

{{hket:inline-image name="3266c056-16af-4e72-a35e-634ecb2f11e3.jpg"}}{{/hket:inline-image}}

譚詠麟的粉絲堅持偶像冇做過，絕對相信譚校長，紛紛前往男事主的微博，展開罵戰及不斷私訊攻擊，要求證據；亦有網民覺得有可能係女方投懷送抱，但就話唔理解點解願意同年紀咁大嘅男人上床。事件越演越烈，應采兒都點按讚食花生，而譚詠麟也發出聲明指消息不實，強烈譴責同否認事件，並會採取適當法律行動。

男事主略帶「挑釁」留言，再次出招表示︰「聽說德藝雙馨發聲明了？」再post出一張更清晰嘅疑似酒店房圖，​​今次見到一名疑似校長嘅男子全身！網民更加沸沸揚揚咁湧入討論，仲叫男事主唔好再「擠牙膏」爆料！