陳淑蘭
陳淑蘭

預防癡呆有法

發佈時間: 2021/11/25

預防癡呆有法

身邊人同我發覺健忘毛病好似隨住年紀增長,愈嚟愈嚴重。我好緊張,因失智症某啲徵兆同健忘真係好似,故時刻警惕自己要提高警覺,希望唔好有阿茲海默症。

「記憶減退」係好多人面臨嘅問題,部分原因源於人類形成短暫記憶嘅主要大腦區域海馬迴,會隨住年紀增長而逐漸萎縮。研究顯示,年過50歲後,海馬迴以每年1-2%體積的速度逐漸萎縮,加埋我絕對係一個專注力不集中嘅人,愈擔心就愈記唔住想記嘅嘢。「國際阿茲海默症協會」嘅報告顯示,每3秒鐘就有一個人患上腦退化症,世衞數據顯示,預計到2030年患者會升至8,200萬人,到2050年更會多達1.52億人。我諗我應該捱唔到80幾歲,就好大機會有呢個症狀。好驚!唔想咁樣可以點樣?

針對健忘、記憶變差嘅我,不能怠慢,嗱嗱臨去補充能夠幫助腦細胞會缺乏嘅營養品;既然我有好嘢,梗係要同而家好記性,唔代表將來都好記性嘅你一齊分享啦!

維生素B雜︰天然鎮定劑,除咗幫助神經精神穩定,亦能夠調整神經傳導物質,尤其係維生素B6,對腦部正常功能非常重要。

深海魚油︰含Omega-3不飽和脂肪酸DHA,係大腦皮質組織重要成分,具促進協調神經迴路傳導作用,可活化腦細胞、提高記憶力。

卵磷脂︰合成乙醯膽鹼的重要成分,能有效維持腦細胞營養素,具有保護神經纖維細胞及改善大腦功能,有助於合成存在於中樞神經以及周邊神經系統,對專注力有很大功效。

唔好笑我緊張,喺預防醫學嘅概念下,所有疾病都有可能靠提早保養預防,及早發現同早治療,希望降低癡呆對生活嘅衝擊。

(本欄逢周四刊登)

撰文: 陳淑蘭 樂天知命,直言無忌的電視及電台節目主持人。
欄名: 口沒遮蘭