女神蘇皓兒自爆麻甩史

「宅男女神」蘇皓兒（Chloe）與同門師兄蘇宸褕（灰熊）挑戰大玩「5秒定律女神版」，測試Chloe是真女神還是假冒女神。遊戲中，Chloe被問到「和伴侶共處時唔會做的三件事」，Chloe答道︰「剪指甲、撩鼻屎、搲腳趾。」灰熊即笑說︰「女神邊會撩鼻屎，女神係唔會放屁、啲牙亦唔會『攝』條菜。」

Chloe自爆試過凌晨打機打到翌日早上八時，「嗰時我網名叫『頑皮仔』，所以啲網友勸我『頑皮仔，你去搵工啦，唔好做廢青』，不過我依家少咗打機。」灰熊笑言原來Chloe最麻甩一面，就是她的網名。