全民造星IV丨人妻護士Ash被淘汰全城震怒 導師梁祖堯大罵：foul錯人

ViuTV大型偶像育成真人騷《全民造星IV》昨晚播出的一集，輪到許廷鏗A4組與梁祖堯B2組對戰，賽果惹來全城震怒，有人在ViuTV facebook留言表示已當最後一集看，亦有人要求「還我Ash」。事緣許廷鏗A4組的芯駖（李芯駖）、超酸（陳昭煊）、子涓（夏子涓）、Win Win（楊安妮）、So Ching（蘇芷晴）和筠兒（黃筠兒）表演跳唱《Lady Killer》，獲評判泳兒大讚：「我覺得呢隊可以出道，每個人都好投入。」陳輝陽則說：「我諗我先讚呢個造型，令我印象深刻，睇到你哋嘅個性。」然而梁祖堯B2組卻慘受批評。

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

{{hket:inline-image name="26.JPG"}}{{/hket:inline-image}}

梁祖堯B2組的Liu哥（廖雪蕎）、Mic（周卓盈）、Ana（羅安娜）、Winka（陳泳伽）、Ash（鍾卓穎）和鐵鐵（歐卓瑩）唱《相信一切是最好的安排》，唱得好之餘，從網民的反應，也表示能讓觀眾投入到她們的友情世界，可惜評判陳輝陽卻問道：「呢段表演係講咩？我會期待多啲嘢喺裡面，但我未感受到，尤其係……需唔需要跳埋呢？」花姐聞言後認為：「唔好次次問個表演係關於乜嘢啦，自己去感受吓啦，please！」鍾舒漫的評語是「希望B2組可加強唱歌方面技巧」。

全民造星IV丨梁祖堯發千字文指衷心受教 獲強尼力撐無條件地信任【下一頁】

在dance battle環節，A4組的隊員舞技了得，最後獲得4盞藍燈踢走只有一盞紅燈的B2組，支持B2組的少爺占說：「第一個回合，我覺得佢哋唱得比較好，去到第二個回合跳舞，佢哋好差咩？我又覺得唔係，所以我就揀咗佢哋。」

另一評判韋羅莎表示：「每次Win Win一笑，唔知點解好有魅力，當你哋有幾個組員特別突出，就會吸引我去留意你哋，所以我覺得呢隊（A4組）完整啲，平均啲。」鍾舒漫認同，表示：「我覺得佢哋幾神氣，香港好少呢樣嘢，我都好期待睇到有隊組合，由骨子裡散發嗰種神氣、有型出嚟。」

{{hket:inline-image name="24.JPG"}}{{/hket:inline-image}}

{{hket:inline-image name="25.JPG"}}{{/hket:inline-image}}

全民造星IV丨「翻版炎明熹」邱彥筒被考演技 三度KO導師梁祖堯獲讚【下一頁】

此時，評判要在B2組淘汰一位組員，Mic與有「靚聲女王」、「天籟之音」的Ash同票，梁祖堯在後台得知後即時大嗌「No」，女團經理人戴穎亦忍不住大叫，花姐無奈說：「兩個都應該留低……」評判再投票下，最終淘汰了已為人妻的護士Ash，梁祖堯不禁拍枱搖頭，說：「我唔明！我唔明！Ash係我最想留低嗰個……由試鏡嘅時候已經最鍾意佢，點會？點會係咁㗎？佢哋foul錯人！」十分替人著想的Ash喊住表示：「我有諗過，再搵返一份護士工作都唔難……佢哋（隊員）好有音樂夢想，佢哋會諗如果輸咗比賽，都唔知之後會點……好擔心，盞燈射落嚟……其實我冇乜嘢……」Ash不忘叮囑組員「要繼續加油」，之後她便離開節目，黯然步出錄影廠。

{{hket:inline-image name="55.JPG"}}{{/hket:inline-image}}

全民造星IV｜ 花姐勁彈靚女參賽者惹網民不滿 被指有「心理缺憾」︰擔心佢未來新抱【下一頁】

不少支持Ash的觀眾都均在Ash的IG和ViuTV facebook留言，勁插冇面畀，「今次啲評判好有問題，啲意見又廢話」、「睇咁耐得Ash同Marf（全能王邱彥筒）眼前一亮，其他就係一班dancer」、「可以唔使睇，Ash出道先再通知世界喇！88」、「我當咗係最後一集喇，有新消息再通知我啦」、「關於阿祖教你哋嘅事，真係要靠你們講番出嚟，因為剪接關係，真係好多人覺得阿祖有盡導師責任」。節目播出後，B2組員齊齊開live，對於殘忍的賽制，Ash說：「我唔敢再睇落去，我驚忍唔住喊。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】