《家有囍事》世紀合照｜袁文傑卅年後偶遇「無雙表妹」 毛舜筠與「家明表哥」相見不相識

由哥哥張國榮、毛舜筠、周星馳及張曼玉等合演經典賀歲片《家有囍事》，於1992年放映時獲得48,992,188港元票房，刷新當年本地電影的票房紀錄，往後每年的農曆新年，一度成為電視台重播的首選。而飾演「無雙表妹」毛舜筠的愛人「家明表哥」袁文傑，當年在大銀幕未有露真身，全程只影住他的大背脊，直至多年後觀眾才知道袁文傑乃「家明表哥」，坊間熱題談論至今，相當犀利。

{{hket:inline-image name="yuen_man_kit_259665465_2213598448778382_7621039241283515825_n.jpg"}}{{/hket:inline-image}}

{{hket:inline-image name="11252001.jpg"}}{{/hket:inline-image}}

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

袁文傑日前在IG送上驚喜，他兩公婆在法國餐廳偶遇毛姐（毛舜筠），大家相認過後來個「正面」合照。袁文傑在網上搞笑留言：「家明表哥&無雙表妹，今次，家明唔駛使剩係見到個心口同『後尾枕』喇。多謝毛姐！#家有囍事 #家明表哥 #無雙表妹 #毛舜筠」。

張潔蓮嫁了對的人卻常被冠錯夫姓 與袁文傑婚後關係仍如老友【下一頁】

袁文傑接受《晴報》訪問時透露，當日有前輩相約到法國餐廳食飯，剛巧毛姐同場，成就這家明、無雙難得聚頭的一幕。至於毛姐是否憑「背脊」一眼認出袁文傑？他說：「佢梗係認唔到啦！因為事隔都成卅年，嗰陣時我拍《家有囍事》係啱啱訓練班出嚟，佢唔會記得我就係家明表哥。我有同佢講笑，每一次重播都剩係見到我心口、背脊，哈哈哈！就算重播100次都唔會知道係我。（有講番當年拍戲情況？）毛姐好好，同我哋影相，咁我同佢講番我就係家明表哥嘞，呢件事感覺係好過癮！」

跟住一齊shout｜袁文傑陳啟泰兩大亞視小生聚頭 麻甩大佬Ken人面辨析都Error【下一頁】

提到戲中另一個隱藏角色，「常騷」張國榮的愛人「婉君表妹」，同樣跟袁文傑一樣，沒有正面出鏡，網民也很想知道其近況。袁文傑就話：「我唔識佢，我諗拍嗰日，佢同我都唔知道只係影住個心口，哈哈哈！聽人講佢跟住幾年有做電影特約（演員），或者有機會喺其他戲見到佢都唔定。」

（↓點擊放大睇圖片↓）

袁文傑指當晚是捧前輩朋友的一位細姪女場，皆因對方是該餐廳的大廚，想不到有緣見到毛姐。至於《家有囍事》後有否再合作？他表示：「毛姐有一年做亞姐評判，我就係當晚司儀，我有走落台問佢對佳麗有乜嘢意見。（事後再睇番呢張合照，仲有冇乜嘢特別感受？）真係預計唔到，曾經參與過呢齣經典大電影，又係喜劇，竟然到今時今日仲有咁多人記得，觀眾仲覺得好笑；而因為我個角色唔見樣，反而令人留下深刻印象，如果見樣嘅話，就唔會咁有話題性！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}