拍《假冒女團》放棄偶包 盧瀚霆︰唔會理靚唔靚仔

人氣男團MIRROR成員「教主」盧瀚霆（Anson Lo）風頭一時無兩，首部擔正的電影《假冒女團》已於昨日上映。Anson Lo在片中一改靚仔形象男扮女裝，將偶像包袱完全拋棄；為電影豁出去的他，坦言已愛上演戲，希望繼續探索戲劇世界，發掘更多未知。

Anson Lo在《假冒女團》飾演雷紫荊一角，在早前釋出的預告片中，已見他有不少動作場面，甚至男扮女裝，挑戰甚大。Anson Lo直言為新片完全放棄「偶包（偶像包袱）」︰「今次真係豁晒出去，對我嚟講係好大突破，入面有好多誇張嘅造型同表情，拍攝途中花姐（經理人黃慧君）都問『你確定你呢個樣出到街？』但我覺得無咩所謂，我就係想表達嗰種誇張，唔會理靚唔靚仔。」

愛上戲劇世界

從ViuTV熱爆劇集《大叔的愛》中的暖男「阿牧」，到電影處男作《假冒女團》，Anson Lo對演戲的熱誠有增無減，想繼續探索戲劇世界。事實上，他在《調教你MIRROR》中曾被要求在唱歌、演戲中二選一，當時他意外地選擇演戲；半年後的他已是歌影視三棲藝人，再問他是否依然選擇演戲？他不假思索答︰「都係演戲呀！雖然依家好似咩都試過，但所有嘢都好初步。無論電影定劇集，都係演戲嘅一種，有種愈做愈好玩嘅感覺，令我想試更多唔同嘅角色，真係要試過先會知當中嘅感受。」

Anson Lo雖是影壇新人，但表現獲拍檔李靜儀（Heidi）及李炘頤（Alina）大讚，Alina說︰「同Anson Lo識咗好耐，平時望住台上嘅佢一定畀足200%嘅力，但無諗過佢私下會再額外搵好多reference，畀好多意見令大家進步。」Heidi則說︰「未識Anson Lo之前，覺得佢跳舞叻，識落佢係好細心、好溫柔嘅男仔，唔單只chok，仲好乖、斯文、體貼。」Anson Lo同樣對她們有讚無彈︰「起初覺得Heidi係高冷型女生，有種冰雪皇后嘅距離感，令人好驚艷；識落發覺佢好玩得、好搞笑、好為食。Alina就堅持每樣好微細嘅嘢，係好認真嘅演員。」

冀原班人馬拍驚慄片

片中演員感情要好，源於拍攝前一起上動作訓練班，Anson Lo說︰「其實動作戲份唔多，但練咗好耐。要連續幾日、由朝到晚咁學，係咁拉筋同踢腿，好辛苦。」Alina說︰「好似返學咁，好鍾意成班人好團結，一齊做好一件事嘅感覺。」對於「下次」，三人希望原班人馬拍攝驚慄片，Alina說︰「《假冒女團》係青春片，再拍就做啲成熟啲嘅戲，拍鬼戲啦！因為我哋成日不在狀態，係度『浮游』，唔知做緊咩但又溝通到，哈哈！」Heidi興奮附和，但Anson Lo在旁默不作聲，問他是否害怕？他否認說︰「唔係呀，無論係鬼片定喪屍片，總之係懸疑驚慄片，我都好有興趣！」相信拍驚慄片的Anson Lo，將會向觀眾展現不一樣的面貌，讓「神徒（Anson Lo粉絲）」十分期待。

服裝︰Stella McCartney

造型︰PIPA Creative

化粧︰Rainbow Chung @Annie G. Chan Makeup Centre

髮型︰Denny Ku @CHIC private i

Alina：

服裝︰Balmain、Alexander McQueen、Balenciaga

化粧︰@Cyruslee1018

髮型︰@Terrence_chann

Heidi：

化粧︰Kayte Fung

髮型︰Calvin Tsoi@HAiR

攝影︰Alma

美術︰顏玉玲

撰文︰陳子楠