邵仲衡不愛管束兩子送英國讀書 「唔希望佢哋生活喺我長大嘅環境」

邵仲衡（大佬孝）昨晚接受黃婉曼「安品·生活」Facebook live訪問，他即場炮製日式炸豬扒，又教大家自製昆布鹽。雙魚座的他，指自己是雙面人，有感性的一面，亦有黑沉的一面，愛與太太自各修行，他說：「佢喺房睇韓劇，我喺廳睇Netflix，我煮完嘢食，我係捧入去房度畀佢，佢唔理我，我唔理佢，大家各自有佔領地，咁樣反而幾好，同任何人嘅相處之道，唔好成日諗起就要講，日日對住佢，使乜咁急啫！」

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

{{hket:inline-image name="a0e70c82-1a2a-49fe-b5c9-be8998a8af70.jpg"}}{{/hket:inline-image}}

育有兩子的大佬孝問及黃婉曼的子女，黃婉曼笑說：「佢哋幾乖，但好細個，唔似你咁有經驗，我兩個小朋友係2歲同4歲，讀緊幼稚園。」他驚訝2歲已讀幼稚園，黃婉曼答他：「係呀，而家年代唔同，同埋佢哋返去都係玩。」大佬孝說：「我4歲先開始讀幼稚園，喺英國嗰啲，好似我啲仔4、5歲先開始玩play school，我見佢哋好high㗎，一日到黑都去係遊覽博物館，有時玩觸感遊戲，煮咗一大煲意粉，攤凍咗，開一個吹氣泳池，跟住畀小朋友擲意粉，佢哋擲完又會攞嚟食。」

【語出驚人】邵仲衡曾爆劉青雲撬牆腳 直話直說點評過TVB一個演員【下一頁】

{{hket:inline-image name="60.JPG"}}{{/hket:inline-image}}

{{hket:inline-image name="35617688_908705989331527_3992658339174547456_n.jpg"}}{{/hket:inline-image}}

黃婉曼問他對待小朋友是不是用管束教育方式？大佬孝搖頭說：「唔係，我本身喺單親家庭長大，變咗我由細到大都好識得避忌，好叻睇人眉頭眼額，所以佢哋（兩子）好細個，我已經送去第二度讀書，加上有我阿媽、細佬妹喺嗰邊，英國咁注重個人發展，所以佢哋都唔係好想你去干涉佢哋嘅生活，佢哋有自己嘅社交圈；喺香港唔同，因為居住地方狹窄，大家日日對住，我都唔希望佢哋生活喺我長大嘅環境。」由於邵仲衡十分尊重家人，所以從來沒有在社交平台上載家庭相。

【慶生停不了】邵仲衡56歲型佬棄生意重拾興趣 開通爸「放養」17歲仔拒曬幸福【下一頁】

{{hket:inline-image name="21.jpg"}}{{/hket:inline-image}}

{{hket:inline-image name="61.jpg"}}{{/hket:inline-image}}

{{hket:inline-image name="62.jpg"}}{{/hket:inline-image}}

對於大佬孝讀書成績不俗，當年曾考入理工大學修讀設計，畢業後跟著名室內設計師高文安打工時，曾有份替梅艷芳、張國榮的家居參與室內設計。提到他最近有份演出的傳記電影《梅艷芳》，在戲中有一幕掌摑扮梅艷芳的王丹妮，黃婉曼問他當時是否真摑？大佬孝說：「嗰日拍攝現場氣氛都幾緊張，我照講對白，為咗加強效果，我係咁爆粗，乜嘢魚蝦蟹同器官都爆晒出嚟。」他認為最重要是對手的表情和反應要配合。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}