一起走過｜蔡國威比賽輸畀阿田無緣做歌手 六合彩之子主持10年：真係唔悶

「六合彩之子」蔡國威（威仔）同前輩白彪這日擔任《一起走過》嘉賓，跟主持人楊紹鴻及寶珮如分享入行多年點滴。威仔其實是唱歌比賽出身，1993年他參加《未來偶像爭霸戰》落敗後重操故業打銀行工；直至兩年後田蕊妮告知亞視開藝員訓練班，他才找到正式途徑入行，並成為今時今日的「六合彩之子」。

{{hket:inline-image name="241521670_380045763673306_137009328478458191_n.jpg"}}{{/hket:inline-image}}

{{hket:inline-image name="11291003.jpg"}}{{/hket:inline-image}}

同場加映：吳幸美天不怕地不怕成正義Icon 孝順女憶喪父灑淚：佢以我為榮

{{hket:ul-video id="4741"}}{{/hket:ul-video}}

威仔年輕時一心以為自己屬於娛樂圈，在家跟住唱電視劇主題曲時，自覺唱歌了得，認定自己有天分做歌星，可是參加過幾次唱歌比賽皆食白果，「第一個參加嘅係93年亞洲電視嘅《未來偶像爭霸戰》，田蕊妮係冠軍，我只係入到Final。（為何揀亞視主辦的比賽？）因為當時新秀過咗，加上嗰年亞視好吸引，相隔好多年再搞唱歌比賽……條件係好吸引，搵咗各大唱片公司嚟，話會喺參賽者當中揀蟀簽約，就算攞唔到獎都會有機會做歌手出唱片，覺得咁多唱片公司實有機會『中』一間……但係我攞唔到獎，原來個個都唔肯簽我，之後再做返銀行工作。」

20年友情決裂│蔡國威撰長文反駁韓君婷迫遷論 「我做朋友都仁至義盡」【下一頁】

不過威仔沒有因此灰心，之後又參加了無綫《亞洲鐳射卡拉OK大賽》及Big Echo舉辦的比賽，但還是與獎項無緣，最後還是回去打銀行工，「我唔係貪慕虛名，而係覺得自己唱得咁好，無理由嘅，點都要畀個獎我，好想攞到個獎證明自己，但又係攞唔到獎。兩年後，田蕊妮知道亞視開藝員訓練班，佢知道我好想入行，打畀我話『不如過嚟啦，你咁想做』，但唔係佢引薦我、即刻簽，都要去面試爭取機會。結果成功入讀訓練班，三個月後亞視真係簽我，咁樣先正式入行。」他當時的合約是2年期，威仔計劃給自己2年時間發展，如果未如理想便轉行；結果2年變成20年，一直留在娛樂圈至今。

《包青天再起風雲》蔡國威人生低潮遭拖糧崩潰 全副身家博盡靠 「賣餅」翻身【下一頁】

至2005年，他獲得《六合彩》主持機會，「機緣巧合，咁啱一個主持無做，而佢哋需要兩個主持，亦歡迎有男主持人，所以我獲得試鏡機會；揀中咗之後，我一做就做咗10年。其實初初做有啲擔心，因為有個不成文規律，每2、3年會換主持，到第3年有諗會唔會換我；點知一路都好好彩，只係不斷換側邊（主持），我就做主。（有否覺得悶？）真係唔悶，因為呢個係Live，雖然每一次大同小異，但每一次都有新鮮感，又要好好控制時間，5分鐘時間內唔可以under又唔可以over。（覺否自己是亞視不二之臣？）都算，真心唔倒閉都唔會走，亞視陸陸續續畀機會我，尾段有好多節目都係我做，好多大型騷亦係我做司儀，人工亦好好，嗰時真係好高，喺我走之前係好理想，（當年亞視倒閉怕否無工開？）嗰時心態好得意，無得驚，嗰吓要話畀自己知，我一定要踏出呢一步，唔踏出呢一步就唔知點行……我哋喺佢未消失之前已經裸辭，嗰時已經知道晒亞視嚟緊無牌（免費電視牌照），4月1日一定熄機；加上又有拖糧問題出現，而僱主與僱員之間合約入面，若果僱主爭僱員兩個月人工以上，我哋可以反過來炒佢……我同其他演員都覺得有咁嘅機會就一定要走，因為無得再拖落去，形勢無得再等，寧願快快行出呢一步，睇吓仲有冇其他機會喺呢行發展。」

（↓點擊放大睇圖片↓）

威仔於2016年後轉投無綫，除參與不少劇集演出，亦有機會再次主持《六合彩》，延續「六合彩之子」稱號。問到夢想是否在電視圈攞獎？他話：「都係，呢個相信唔係只得我，喺娛樂圈每個演員、主持，好想喺佢心目中一個界別；裡面得到獎項，因為獎項係一個認同、成績表，呢個暫時係我一個目標，希望有日能夠得到一個獎；而家仲未諗到係因為劇集定係做主持，總之是但畀到一個獎我都好開心！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}