當家主母丨內地電視劇疑為劇情電擊殺貓咪 「主人」捧增肥白貓澄清難平眾怒

內地現正熱播電視劇《當家主母》，當中有港人熟悉嘅「影后」惠英紅擔任配角，仲有《延禧攻略》于正做監製，係內地今年令人好有期望嘅話題之作。然而日前劇組有醜聞爆出，因為劇中毒死白貓嘅劇情太逼真，引發「疑似為戲殺貓」嘅爭議。儘管劇組澄清貓咪「仍活得好好的」，但所播出嘅製作花絮似乎越描越黑。

同場加映：吳幸美天不怕地不怕成正義Icon 孝順女憶喪父灑淚：佢以我為榮

{{hket:ul-video id="4741"}}{{/hket:ul-video}}

{{hket:inline-image name="RTBm6cfnGV9job1XGXD9xwLPVcC9TFpoFejevhXo3r4.jpg"}}{{/hket:inline-image}}

《當家主母》第32集中，貓咪因為被毒死而僵硬地從茶几「撻」落地、口吐鮮血，劇組在喺本月26日上傳影片說明拍攝手法，指出血跡其實係可食用嘅血漿加糖漿，至於貓咪掙扎畫面則係用繩牽引腿部拍成。然而，網民提出質疑，如果喺正常、健康情況下，貓咪無論如何都唔可能以背部著地，且澄清影片剪接得相當粗糙，有疑似photoshop痕跡，懷疑劇組蒙騙大眾。

劇組眼見壓不住網友怒火，事後在網上上傳另一條拜訪貓咪主人嘅影片，向觀眾表示貓咪「活得很好」，而且幾個月前仲生了一竇貓仔。然而，網友質疑影片嘅「主人」都好可疑，因為佢搵貓咪相竟唔係開手機相簿，而係利用通訊軟體睇人哋send畀佢嘅紀錄，又同劇組講「貓咪2天前出去玩了還沒回來」，令網友更懷疑貓根本已不存在。之後一位自稱係臨時演員嘅網民留言，指呢隻貓早就已經死咗，「其實不是毒死的，是電擊的，用電擊刺激牠條件反射，最後被電死的，當天就埋了。」這則留言在微博上迅速傳開，28日晚間衝上微博熱門第一，許多人怒罵「劇組別裝死了」、「抵制不尊重生命的爛劇」，並紛紛喺戲劇平台上檢舉，希望劇組給予合理解釋。

今日劇組又再出招，post出自稱係貓咪主人嘅女子，抱主白貓嘅訪問片段。片中白貓明顯較肥，片中主人解釋距離拍攝《當家主母》時間已經有一年，所以貓貓「長大了也胖了一點」，又話手抱白貓同劇中白貓一樣係藍眼睛。不過網民完全唔收貨，指白貓好易就可以搵到替代品，要求劇組上傳真正嘅製作花絮，否則難平眾怒。

撰文：黃蘊姿