半裸爆肌拍廣告 Tyson Yoshi自爆日飲6公升水

歌手Tyson Yoshi日前為清涼水拍攝全新廣告硬照，以半裸爆肌造型上陣，大騷型格紋身手臂、厚切胸肌及六嚿腹肌。為展現最佳狀態，Tyson Yoshi地獄式戒食兩日兼加操做運動，拍攝前更即場做了100下掌上壓；Tyson Yoshi又自言是水造的男人︰「飲水對我嚟講好重要，因為做運動關係，依家一日最少飲六公升水。」

出道三年的Tyson Yoshi一向以型格形象示人，他自覺以前最有型的事，就是迫媽媽看他的紋身︰「我媽媽好憎紋身，所以我紋完身第一件事，就係即刻畀佢睇。」至於在音樂路上，Tyson Yoshi同樣有態度︰「自己知道音樂方向喺邊，就全力去做…去搵同你夾到嘅人，搵到屬於你嘅群體，咁就唔會隨波逐流，而係創造新嘅群體。」