九龍城寨‧圍城│洪金寶冇關心譚詠麟桃色新聞 林峯冧住爆囡囡學講：Daddy叻叻

古天樂、洪金寶、任賢齊、林峯等今日為電影《九龍城寨‧圍城》在屏山進行開鏡儀式，今次電影以1980年代九龍寨城為背景，有大量的動作戲。古天樂自爆跟大哥大（洪金寶）有文戲、打戲甚至床戲，「我未同大哥大對打過，被佢打係我夢想之一！」至於問到洪金寶為何會出山拍戲，他起初笑稱：「錢，口袋都冇晒錢就要工作，哈哈哈！開玩笑，香港電影經歷咁長時間，而家大多數都係國內拍合拍片，今時今日仲有大製作電影係講純香港嘅，好多香港演員，真係好難得！而且而家百毒之日仲有戲開，加上監製同導演我都合作過好多次，佢哋開到聲，又肯畀錢，冇可能唔嚟啦！」

{{hket:ul-video id="4776"}}{{/hket:ul-video}}

事隔2年再拍戲│洪金寶減磅後精神奕奕肚腩依舊 感慨UA結業：「人生冇希望」【下一頁】

{{hket:inline-image name="Wh1.jpeg"}}{{/hket:inline-image}}

{{hket:inline-image name="556.jpeg"}}{{/hket:inline-image}}

{{hket:inline-image name="Whats4.jpeg"}}{{/hket:inline-image}}

大哥大4年前接受膝蓋手術後，不時被傳媒影到坐輪椅出入，他亦坦言因為健康問題，飲食要特別注重，所以刻意減磅，免膝頭再次承受負擔。問到「輕磅」後是否動作戲更瀟灑俐落？大哥大說：「如果食得多會再爽啲，古天樂每日一餐，我就多佢一餐，每日兩餐，我都想食多一餐，不過老婆唔畀，（嚴格監管？）監管又唔係，最重要揀冇糖、冇飯、冇麵就得，頂多食糙米。」他表示太太高麗虹會每日為他準備愛心午餐，確保健康。近日好友譚詠麟捲入桃色風波，有傳搭上細48年的女粉絲，問到大哥大有沒有聯絡關心阿倫，他斬釘截鐵說：「冇喎！」然後匆匆離開，訪問亦告完結。

林峯囡囡遭網民詛咒「早死早超生」 張馨月被焫著嬲爆反擊：你還是人？【下一頁】

久未露面的林峯皮膚黝黑不少，配合戲中頹廢形象，而任賢齊亦為電影剃光頭，不過現場他戴住冷帽，避免新造型曝光。任賢齊說：「今次造型好大驚喜，見到林峯好man，黑黑實實咁，訓練時見到佢以為邊個武打明星，佢真係付出好多，飛天遁地，好期待睇林峯身手！」林峯笑言戲中由頭到尾不斷被人打，因武術指導為他們度身訂做了很多高難度功夫動作，事前花了大約一個月時間訓練，問到會否見到「朱古力」腹肌？林峯說：「呢套戲講人情味，好多動作，唔係為咗曬『朱古力』。多謝古仔，畀我哋有機會挑戰一吓自己，入面動作戲同文戲差唔多一半一半，我拍武打為主嘅電影，絕對係一大挑戰，拍完之後可以算係半個動作演員。」

提到下月將42歲生日，林峯表示跟老婆張馨月和囡囡格格分隔兩地，無法一齊慶祝，他說：「呢個就係演員嘅痛苦同付出，太太同小朋友喺內地，而家每日最大動力就係同佢哋打個電話視像見面，見完第日就繼續打，（為你打氣？）有呀，囡囡啱啱學識講：『Daddy叻叻』咁囉！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}