由《聲夢傳奇》和《盛‧舞者》學員主演的青春校園劇集《青春本我》將於12月5日播出，其中15位《聲夢》學員都有出演，包括炎明熹（Gigi）、姚焯菲（Chantel）、鍾柔美（Yumi）、詹天文（Windy）、文凱婷（Aeren）、冼靖峰（Archie）、何晉樂（Rock）、張馳豪（Aska）林君蓮（蓮姐）、黃奕斌（Hugo）、火雞孫漢霖（Steven）、林智樂（Felix）、潘靜文（Sherman）、林沚羿（Venus）及蔡愷穎（Lolita）。
《青春本我》未播出已令一眾粉絲非常期待，有見及此「See See TVB」早前特意去片場探班，找來一班《聲夢傳奇》學員，大談拍劇感受之餘，更齊齊「爆大鑊」，到底邊個NG最多？邊個係遲到大王？
同場加映：吳幸美天不怕地不怕成正義Icon 孝順女憶喪父灑淚：佢以我為榮
問到邊個NG最多？Aeren、火雞同蓮姐都異口同聲話係Chantel，後者得知「真相」後反問點解，「係咪因為我成日笑？」Aeren就指Chantel經常忍唔到笑，「因為佢個角色要同Rock一齊，跟住佢頂唔順，望住Rock就好想笑！」
而提到邊個最好戲？眾人認為有兩位人選，火雞、Gigi及Yumi認為係《盛‧舞者》嘅李紹堅，Gigi表示李紹堅會指導她們，Windy就指他會好認真做每一場戲。而《聲夢傳奇》學員入面最好戲的，眾人異口同聲認為是Venus，火雞表示︰「我哋有上過少少藝訓班嘅堂，覺得佢做戲好好，佢細個參演過《蜘蛛俠2》（2004年）！」
至於學員中邊個係遲到大王？大家都一致認為係Felix，蓮姐表示Felix遲到冇原因，「無論佢拍唔拍劇都遲到……」當事人Felix就澄清每日開機拍攝係準時到達片場，只係化妝會遲到，亦有向幕後工作人員致歉。
Sherman同Felix被踢爆是最嘈的一對，大家都話佢哋「超級無敵嘈」，又指兩人一齊就好多嘢講。Yumi就為他們「平反」表示︰「佢哋唔係嘈，係佢哋有好多意見表達！」
提到眾人最深刻一場戲，唔少人都覺得係Gigi爆喊同發脾氣，Felix表示：「我第一次覺得……佢要幾大壓力先做到呢場戲呢？」
《青春本我》即將播出，劇情講述「本我學院」內，學生們面對著來自家庭、感情、友情、尋求自我價值等等煩惱。新入職嘅輔導心理學家汪善美（JW王灝兒飾）希望幫助他們，提高他們面對逆境、處理問題的「能力值」，促進心理健康，讓眾人可以好好享受短暫而美好的中學歲月。
聲夢傳奇｜冼靖峰Archie名校出身港大畢業 學員學歷逐個睇 有兩個係碩士生【下一頁】
U Lifestyle App自家節目登錄《U TV》專區！
↓↓試玩、試食、試用影片任你睇↓↓