【聲明】港生活網站並無進行電話推廣活動

主持麻將騷被批玩法混亂 吳若希呻節目短︰剪走好多嘢

發佈時間: 2021/12/01

吳若希(Jinny)、戴祖儀(Joey)、馮盈盈及麥美恩等昨日到元朗大棠錄影無綫新節目《真係唔好笑》。提到Jinny與Joey有份主持的另一節目《麻雀鬥室三決一》前晚首播,Joey大讚節目有趣︰「我同陳敏之一組,佢連贏六鋪,食糊嗰時好多人都讚我好彩。」對於節目被批玩法複雜,Jinny歸咎因每集長度問題,而被迫剪走不少鏡頭︰「一集得45分鐘,好多嘢要剪走,如果時間充裕啲就好,對麻將精嚟講可能唔夠喉,節目長啲會比較清楚。」網民又批評節目主持太多太亂,Joey解釋︰「都係一個嘉賓搭一個主持,其實《真係唔好笑》有七個主持咪仲多。」

另外,同場的馮盈盈笑言為《真係唔好笑》放下偶像包袱︰「之前試過拍一日要化粧、落粧三次,都算豁出去摧毀形象。」盈盈日前自爆月入僅19,000元,她主動澄清是一場誤會,並表示︰「係一個大誤會,我當時係講政府審計署公布嘅全港個人入息中位數,唔係講自己賺19,000蚊。(咁你月入幾多?)我係比呢個數目多,可以照顧到自己同屋企人,好滿足。」

採訪︰Steven

主持麻將騷被批玩法混亂 吳若希呻節目短︰剪走好多嘢

盈盈主持《真係唔好笑》,透露節目是忍笑挑戰。

主持麻將騷被批玩法混亂 吳若希呻節目短︰剪走好多嘢

Jinny主持《麻雀》時落場一起玩,非常投入。