東張西望│福嫂接單補鞋趕唔切交貨被轟 客斥辜負善心 網友反應兩極

《東張西望》幾年前報道的補鞋匠福嫂事件，獲得香港人廣泛關注，特別是她由裕民坊重建的位置搬到小販市集後，不少人睇過節目後，慕名遠道而來幫襯。不過，節目跟進福嫂個案時發現，原來福嫂近日不斷被客人追鞋，客人指福嫂不斷接單，而且收取全部費用之後，一直未能如期交貨，令客人常常都白行一趟。觀眾向節目投訴福嫂三宗罪，指她騙財、騙鞋同騙同情心。

同場加映：九龍城寨‧圍城│洪金寶冇關心譚詠麟桃色新聞 林峯冧住爆囡囡學講：Daddy叻叻

{{hket:ul-video id="4776"}}{{/hket:ul-video}}

東張西望│惡霸阿娟稱因美華導致情緒失控 被家人鬧始認錯 網友：貓哭老鼠【下一頁】

{{hket:inline-image name="fook3.jpg"}}{{/hket:inline-image}}

{{hket:inline-image name="fook4.jpg"}}{{/hket:inline-image}}

{{hket:inline-image name="fook5.jpg"}}{{/hket:inline-image}}

節目播出的片段所見，有客人開群組成「苦主大聯盟」，更相約一齊去舖頭聲討福嫂，街坊們上前以高聲指罵福嫂：「你一係唔好上電視，而家欺騙咁多善良嘅人，攞番鞋嚟！攞番錢嚟！」、「你辜負《東張西望》同咁多有心人幫你」、「收晒無數人錢而唔做嘢！你一係唔好接啦！你利用呢個檔口係咪欺騙呢？」部分人直接打開福嫂的多個紅白藍大袋進行大搜索尋鞋。

其中一位年長的婆婆苦主，家住天水圍，因著同情心將姨甥女對鞋遠赴觀塘幫襯福嫂；沒想到事隔半個月都未完成，三次來回天水圍和觀塘都無法取貨，亦無法領回鞋履，令她情緒不好，睡不著覺。她直斥：「我覺得佢係存心呃人，根本做唔切又搏命接（單），佢呃咗我哋善心囉！」而Candy指她謊話連篇，訛稱將鞋履帶回家修補，但在現場卻找到自己的鞋，Candy斥：「以佢手技同口碑佢唔慌搵唔到食，唔明點解要打爛佢飯碗呢？其實我唔知佢背後有咩苦衷，但你唔可以用呢個手法去再經營去呃顧客。」

東張西望丨雲疊花園葉經理交代生死通告 被街坊問候：葉生 你幾時死？【下一頁】

就算被十幾人圍住指罵，福嫂全程都沒有回應，只默默低頭繼續努力補鞋。《東張西望》派出林映輝繼續跟進福嫂事件，問到福嫂的情況，福嫂說：「我唔啱，所以佢哋鬧我，我都唔敢出聲。」雖然下集今晚才播出，不過預告中都提到福嫂的拖延情況跟丈夫福伯有關，畫面見到福伯滿頭白髮，坐住輪椅，未知福嫂是否面對不能言喻的苦況。

網友對於福嫂的情況反應兩極，有人同情福嫂：「佢得一對手，諗吓佢要不眠不休幾多日先可以整得晒，佢更加冇可能唔休息去整啦」、「有個住天水圍攞對鞋畀佢整，真係唔知講咩好。我以前都畀過對鞋佢整，真係冇問題喎。」、「幫佢等如害佢」、「啲人都唔使咁鬧法，一個老人家一對手點補得咁快」、「咁樣圍攻好冷血無情，福嫂似唔係呃人同情」等等。不過亦有網友認為福嫂做不來就不應該接單，「其實做唔切就唔好接新單！要錢又唔負責任！播完依（呢）段片後，佢應該會有許多時間維修啲舊鞋！」。

{{hket:inline-image name="fook13.jpg"}}{{/hket:inline-image}}

{{hket:inline-image name="fook14.jpg"}}{{/hket:inline-image}}

{{hket:inline-image name="fook11.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}