由《聲夢傳奇》和《盛‧舞者》學員主演的青春校園劇集《青春本我》將於12月5日播出，其中15位《聲夢》學員都有出演，如炎明熹（Gigi）、姚焯菲（Chantel）、鍾柔美（Yumi）等。除此之外，姜皓文和陳煒、錢嘉樂和湯盈盈、楊證樺和沈可欣，黎燕珊、楊玉梅及蘇麗明分別飾演不同學員的父母，當中楊證樺與沈可欣、錢嘉樂與湯盈盈在現實中均是夫妻。
同場加映：九龍城寨‧圍城│洪金寶冇關心譚詠麟桃色新聞 林峯冧住爆囡囡學講：Daddy叻叻
楊證樺與沈可欣這對真‧夫妻在無綫劇集中曾多次扮演夫妻，如《平安谷之詭谷傳說》、《踩過界》、《那些我愛過的人》等，今次兩人扮演張馳豪（Aska）及詹天文（Windy）的父母。相反，錢嘉樂與湯盈盈就是第一次合作拍劇，兩人演文凱婷（Aeren）的父母。
問到《青春本我》總導演、編審李敏怎樣令錢嘉樂兩公婆「獻出第一次」，她笑言：「其實我同嘉樂之前係街坊，而家都住得近，加上志同道合，所以佢一直好支持我呢齣青春歌舞心理劇，佢係最早期聽concept同demo嘅人。」錢嘉樂以身手了得聞名，李敏一直有感劇中未有角色適合對方而苦無合作機會，直到鎖定找湯盈盈演出虎媽一角，才靈機一觸，李敏表示︰「其實我之前完全唔知佢哋冇喺幕前一齊演出過，我哋知盈盈本身係好溫柔嘅人，搵佢做虎媽係因為覺得佢口齒伶俐，可以handle到個角色，然後就順便叫埋嘉樂，嘉樂亦都好爽快就答應。」
《青春本我》一劇亦找來吳業坤、朱敏瀚、吳若希、麥秋成、林子超、陳苑澄（Tania）等扮演老師，王祖藍、鄧梓峰、音樂人Johnny Yim就分別飾演校監、校長及小學部校長。李敏繼電影《給我一天》後再與王祖藍合作，她笑謂：「嗰次同佢合作真係好舒服同愉快，佢真係好勤力嘅演員，會坐埋一邊係咁讀劇本。再加上我睇過佢舞台劇演出，同埋感受到佢對musical嘅喜愛，所以我一決定拍歌舞劇就覺得佢做校監會好有效果，而佢亦好爽快答應。」
《封神榜》播放20周年｜錢嘉樂湯盈盈難得合體拍劇 兩公婆現身《青春本我》演夫妻？【下一頁】
U Lifestyle App自家節目登錄《U TV》專區！
↓↓試玩、試食、試用影片任你睇↓↓