Minions八達通配飾趣致登場 銀包客戶優先預訂

Minions一向有唔少粉絲，黛安知道，八達通卡有限公司推出咗全新「Minions 3D八達通配飾」，3位人氣迷你兵團，包括成人版嘅小小超（Stuart）、阿卜（Bob）同小童版嘅箍牙新仔阿塗（Otto），變成外形趣致嘅八達通配飾，小小超會着住滾軸溜冰鞋登場，阿卜就換上粉藍色嘅睡衣裝，阿塗就首次同大家見面，每套只售$188（不設按金及儲值額）。

八達通銀包客戶可透過八達通App，即日起至下星期二（7日）優先預訂，另外，今個月15日起喺7-Eleven會公開發售。