裕美爆男友想前度死 林作宣揚分手不再是朋友

林作女友裕美早前接受訪問時，大爆男友與前度分手後會想對方死。林作昨日出席活動時，強調女友的言論比較誇張，但直認他堅信「分手後不再做朋友」，與前度麥明詩亦沒有聯絡。

林作、周國賢（Endy）、陳欣妍及劉展翹等昨日到銅鑼灣出席廣告首播活動，作拳手打扮的林作以「一塊過腹肌」示人，他坦言已沒有操肌︰「上次打完拳之後都無再操，搞掂咗就無㗎啦，不過拍廣告嘅時候仲fit！我最鍾意赤裸咁見人，但近日天氣凍，有啲肉會好啲，可以保暖。」林作透露廣告將在三條過海隧道展出，又直言滿意自己身形，問他有否P圖？他笑言︰「我就肯定無P圖，其他人有無我就唔知。我諗廣告出咗之後唔止塞車，仲會撞車，所以大家真係要小心駕駛。」

提到女友裕美早前踢爆林作希望前度死，並暗示「該前度」是麥明詩，林作解釋︰「呢個係誇張少少嘅講法，但我成日都周圍同人宣揚一個道理，就係分手之後唔好做朋友，唔好藕斷絲連，唔好有任何糾纏。」他續強調與麥明詩已再無聯絡，但自爆母親依然有聯絡對方︰「媽咪覺得無永遠嘅敵人，亦都無永遠嘅朋友，做人比較圓滑；我就敢愛敢恨啲。（驚唔驚hurt到前度？）有咩好驚？最緊要我依家好幸福。（幾時結婚？）未有打算成家立室，未來嘅計劃係倒轉地球。」

周國賢冀明年開紅館騷

另外，同場的Endy在廣告片中以「拳王」造型半裸上陣，但昨日未有騷肌現身，他表示之前特地為拍廣告操肌兩星期，但現時開拍新戲要減肥，故未能除衫，但仍隱約有六嚿腹肌。Endy明年四月將在九展開騷，他直言會重拾操肌訓練︰「就算唔係想騷肌，但都想操番，想keep住狀態。」早前有傳Endy明年八、九月將開紅館個唱？他說︰「未定嘅，希望承你貴言啦。」

採訪︰Pauline

美術︰顏玉玲

攝影︰林良明