賣樓趣聞 ︳賣樓遇舊同學遭壓價2成 業主拒絕即被狂數缺點絕交收場

賣樓予熟人是好事還是壞事？一名網民發文透露身邊女友人最近放盤，期間一名有意置業的舊同學上門睇樓後，以跌市為由大力壓價2成，被業主斷言拒絕後即變臉，力數單位存在種種問題，終令業主最後忍無可忍，在手機上將其聯絡號碼「封鎖」絕交收場。

同場加映：

Sick問識答｜中醫治濕疹會否「逼晒啲毒」拆解2類濕疹治療方法

{{hket:ul-video id="4752"}}{{/hket:ul-video}}

管家王︳90後情侶買青衣上車盤迎新婚，365呎間兩房一招變出飯廳更實用，詳情即睇：【下一頁】

一名女網民本周二（11月30日）在「香港討論區」發帖，表示身邊一名好姊妹最近放售物業，剛巧兩人的一位舊同學正在物色樓盤，她們便帶對方上門睇樓，舊同學初時指單位「Keep（保持）得唔錯」，亦有興趣購買，但嫌價錢「有少少貴」，

「咁我個姊妹諗住做生不如做熟，話價錢都可以再商量吓，之後佢（舊同學）就話要返去諗吓，第二日再覆佢。」

然而，事主指數天後舊同學未有再找其姊妹，WhatsApp傳訊息給對方也「已讀不回」，以為對方已無意購買，碰巧遇到另一位潛在買家，雙方已就價錢商討。

舊同學壓價2成 力數單位有問題

未料此時舊同學突然回覆短訊，指跟家人商討後有意購買，卻以正在跌市、開價太高為由劈價2成；事主姊妹聞言拒絕，直指「價錢太低，其他人出價都高佢好多」，舊同學聞言隨即變臉，開始力數該單位缺點，

「（舊同學）話佢（事主姊妹）屋企呢樣唔得，嗰樣有問題，連牆紙隻色唔啱佢心水都拎出嚟講，總之踩得好勁。仲話我姊妹明知佢有意想買，都仲畀人上門睇樓，好冇誠信，越踩越唔開心，拎埋啲瑣碎嘢講。」

批舊同學「獅子開大口」 終反面絕交

對此，事主指舊同學一開始沒有「講實」一定會買樓，而且買樓是價高者得。她又指即使對舊同學「計平啲」也不會降價2成，直斥對方「獅子開大口」，

「本身諗住熟人唔使經Agent（地產經紀），可以平少少咁啦，但你想壓差唔多2成真係獅子開大口呀。」

事主指其姊妹後來直接跟對方說「唔賣」便將其「封鎖」，形容她們「朋友都冇得做」，但指不覺得可惜，並提醒網民賣樓不要找「熟人」，

「賣樓賣畀熟人真係搵你笨！熟人先多要求，又會壓到價好低，真係容易出事！所以搵唔熟嘅易開聲。」

網民：朋友間盡量唔好有錢銀瓜葛

不少網民看到帖文後，認同親友之間盡量不要有金錢瓜葛，如涉及銀碼太高恐會導致雙方反面，亦有人指事主姊妹跟舊同學非親非故，賣樓不會大幅降價屬合情合理，並分享自己的經歷。

  ↓ 點 擊 圖 片 放 大 ↓

買樓置業︳婚後想住市區棄買新界樓，港男數年誕3子嘆無力上車，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀