小肥爆對大佬孝同麥包有性幻想 享受做０仔分享最想嘔性經驗

去年公開出櫃後嘅小肥，最近接受網上平台BOX channel節目《月傾會》訪問，大方盡訴心中情。除咗事業之外，小肥仲大談自己嘅感情生活，唔介意講佢嘅性經驗，做自己冇包袱零舍醒神！

同場加映：九龍城寨‧圍城│洪金寶冇關心譚詠麟桃色新聞 林峯冧住爆囡囡學講

{{hket:ul-video id="4776"}}{{/hket:ul-video}}

每年頒獎禮都覺得灰

講到小肥代表作相信樂迷都會諗到《寵物》，但原來佢已經唱到厭，最近仲浮起戒唱《寵物》嘅念頭。小肥紅歌唔紅人，曾經都令佢好灰，佢話︰「我會諗自己其實爭啲咩呢？我唔係甘於停喺度嘅人，都會諗下一步好過上一步，諗得通突然有啲idea叮出嚟咪興奮囉，諗唔通就會突然間跌入萬丈深淵，需要靠酒精，哈哈哈！每年嘅頒獎禮都會灰，去到最後乜都冇之餘……其實點解台上面攞十大有啲歌，我聽都未聽過？哈哈哈！」

{{hket:inline-image name="ETW00027.jpg"}}{{/hket:inline-image}}

家人「心照」性取向

講到講感情世界，承認出櫃後嘅小肥感覺「好疏爽」，「因為而家唔使解釋啦嘛，好多嘢就唔使煩囉！我記得出櫃前，同師兄（劉浩龍）因為某齣網劇唱咗隻主題曲，MV講我同師兄爭女；一出咗櫃呢，劇本改咗我同師兄出生入死，到師兄溝到條女，我就同佢表白，哈哈哈！我同Sunny（MV導演劉翁）講，你都真係改得幾快喎！」公開出櫃一年多，但原來小肥從來冇向家人come out，話前男友成日都會出席家庭聚會，雙方家人應該心照喎！最搞笑例子係有一次前男友嘅阿媽，買咗一嚿大隻佬番梘做手信送畀小肥，而前男友老竇食飯夾餸嗰陣，試過好大聲話「阿仔，食隻『基』圍蝦先」，只係差在畫公仔冇畫出腸。

性幻想對象係邵仲衡同麥包

單身年幾嘅小肥，承認拍拖時都試過「偷食」，仲要係多次同同一個人，佢話︰「喺app識，地點喺廣州！所以我而家要play一隻歌先，梁漢文嘅《傷了三個心》！」至於邊個圈中男星係小肥嘅性幻想對象，佢亦大膽公開，原來係大佬孝（邵仲衡），仲話：「外形感覺好正囉！」主持人林柏希問小肥，見到邵仲衡本人有冇「硬晒軚」？小肥就話：「真正嘅傾慕係唔會硬嘅，哈哈哈！」而另一個性幻想男星，竟然係麥包（麥長青），小肥話：「以前《閃電傳真機》時候嘅麥包（麥長青）都ok！」

小肥豁出去，大談自己最滿意性經驗，表示︰「而家諗返轉頭，我做乜嘢會同佢有關係嘅？我覺得有啲騎呢呀，哈哈！我之前驚嘅，死啦，會點呢？會唔會好痛？哦！原來搞嘢唔一定要咩嘅，哈哈哈！係愉快嘅，嗰啲叫被服侍嘅感覺呀！」而最唔愉快性史，小肥就話發生喺英國，「我身邊嗰個就約咗啲朋友上嚟傾偈，喺間房度，傾吓偈又竟然會……突然間……嗰刻其實我好唔想㗎，同埋唔知點解佢身上面有陣朱古力味，我覺得好難聞。我鍾意食朱古力㗎，但係唔知點解嗰一刻有嘅朱古力味令我想嘔，哈哈哈！唔係講緊茄（屎）呀，真係朱古力！」

自認M底鍾意被主導

最後，小肥仲公開係「1」定「0」：「我係M底嘅，所以M底嘅人，首先一定係被動，被主導啦！」去到突擊檢查小肥手機相簿，終於令到小肥say no喇，「下次做訪問前要清下個相簿，咁就為之very good喇！bye！」

{{hket:inline-image name="WhatsA.jpeg"}}{{/hket:inline-image}}

{{hket:inline-image name="WhatsAp.jpeg"}}{{/hket:inline-image}}

{{hket:inline-image name="Whats.jpeg"}}{{/hket:inline-image}}