力讚女友大方 柳應廷否認情變

人氣男團MIRROR成員柳應廷（Jer）與圈外女友Kelly拍拖五年，一向感情穩定，但近日有網民發現Kelly在IG取消追蹤Jer，更刪除所有與Jer的合照，兩口子疑感情生變。Jer昨日出席活動時否認分手傳聞，但直認感情「有問題」，已積極想辦法𠱁回女友。

柳應廷及陳卓賢昨日出席保險公司活動，近日有傳Jer與拍拖五年的圈外女友Kelly感情生變，問及現時的感情狀況，Jer先多謝大家關心，並強調與Kelly仍是戀人關係︰「依家處理緊同女朋友嘅問題，但樂觀嘅，等我𠱁番佢。」他續解釋由於工作太忙，缺少時間陪伴女友，「有好多工作問題自己都未處理到，加上感情問題未識點處理，（時間）未平衡得好。」

對於Kelly日前在IG限時動態貼出日文歌MV，疑暗示「多人行」致分手，Jer重申︰「唔關事，大家諗多咗。（被女友unfollow IG？）每個人做法都唔同，大家畀啲適當空間我哋去處理。」問到二人並非首次取消追蹤對方，Jer尷尬笑謂︰「呢啲唔重要啦！」另有傳Jer太多女粉絲，惹來女友不滿？Jer否認道︰「我做得娛樂圈，另一半都接受，佢已經好大方…希望外界唔好亂加啲評論喺我哋關係上，因為段關係係點我哋最清楚，大家畀啲空間我哋就OK。」Ian也不忘替Jer解圍︰「大家一齊保護小柳柳。」

Ian送上祝福

至於Ian入行後與模特兒盧慧敏（Amy Lo）拍拖，感情穩定甜蜜，問Ian有否「過兩招」給Jer？Ian說︰「每個人都有同其他人相處嘅哲學，所以都係畀多啲空間Jer，等佢私下解決就最好，大家祝福就好。」此外，Ian成功晉身叱咤「我最喜愛的男歌手」最後五強，他感謝大家支持，並說︰「入到五強已經係好好嘅認同。」

採訪︰Pauline

美術︰梁政敏