模仿陶大宇水撥動作｜Gigi跟風唱《倒轉地球》貫徹無厘頭 「地球唔係不嬲調轉緊？」

陶大宇最近人氣急升，憑翻唱劉德華歌曲《倒轉地球》加上「水撥式台風」，成為網絡熱話，惹來不少人模仿其唱腔及台風。有網民更於Facebook開咗個名為「我老婆鍾意咗陶大宇導致婚姻關係破裂關注組」，早前陶大宇接受本報訪問時笑言見到呢個名，馬上笑到喊，大讚呢個group名充滿創意同趣味性。

{{hket:inline-image name="14_600.jpg"}}{{/hket:inline-image}}

{{hket:inline-image name="40_600.jpg"}}{{/hket:inline-image}}

同場加映：吳幸美天不怕地不怕成正義Icon 孝順女憶喪父灑淚：佢以我為榮

{{hket:ul-video id="4741"}}{{/hket:ul-video}}

《倒轉地球》熱潮仍未減退，無綫旗下的myTV SUPER亦乘勢「抽水」，除了設有「陶大宇經典劇集重溫區」，同時推出《陶大宇地球再轉再倒轉卡組套裝》，把陶大宇出道以來多個經典角色製作成「閃卡」。當中角色有《刑事偵緝檔案》的張大勇、《壹號皇庭》的江承宇以及《大時代》丁益蟹等，Facebook帖文寫道：「『陶大宇地球倒轉再倒轉卡組套裝』九張卡九套劇連成一個地球，組裝完成威力莫講話倒轉石頭，連地球都可以引爆！」抽水味超濃！

另外無綫官方頻道See See TVB亦「不遑多讓」，找來一班《聲夢傳奇》學員如炎明熹（Gigi）、姚焯菲（Chantel）、冼靖峰（Archie）、潘靜文（Sherman）、林智樂（Felix）、孫漢霖（火雞）等一齊「倒轉地球」。見一眾學員認真學習「水撥」手勢，Archie以激昂方式爆咪獻唱，Gigi模仿陶大宇經典的「掩面笑」動作，認真搞笑。

{{hket:inline-image name="gigi2.jpg"}}{{/hket:inline-image}}

{{hket:inline-image name="15_600.jpg"}}{{/hket:inline-image}}

Gigi亦貫徹「無厘頭」本色，當cam man問她：「知唔知地球倒轉會點樣？」Gigi竟回答：「地球唔係不嬲都調轉緊？」cam man解釋地球是「自轉」不是「調轉」。片段最後大放「彩蛋」，Gigi嘅姑丈也開金口唱《倒轉地球》，不少網友留言期待Gigi姑丈現真身，兩個人一齊上台live唱歌。

另外，ERROR成員保錡早前翻唱《倒轉地球》，模仿陶大宇唱腔及「水撥式」台風，他在IG留言：「最近大愛一首歌，不得不重唱一次，無論表情和語氣，都表現得10分到位，所以決定表演給大家看，重複睇了100次的《倒轉地球》。」原來陶大宇亦有留意，表示：「我都有睇到，保錡扮我吖嘛，其實喺ViuTV節目《辣伙頭》中，佢都扮過我，可能話佢有少少似我啩，今次佢又扮我……唔使問，除咗鍾意我之外，一定係，想死，哈哈哈哈哈！」

{{hket:inline-image name="31_600.jpg"}}{{/hket:inline-image}}

保錡日前再度「挑機」，模仿陶大宇嘅蛙式舞姿，喺IG留言：「最近大愛的一隻舞，練習一段時間，決定分享給大家，學海無涯。」網民睇到影片後笑爆，紛紛留言：「叫你模仿，冇叫你超越喎」、「救命呀我笑到好辛苦」、「可唔可以唔好咁愛陶大宇呀」。

{{hket:inline-image name="poki.jpg"}}{{/hket:inline-image}}

陶大宇唱《倒轉地球》再度爆紅 關注組人數激增：我笑到喊【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】