行山30幾個鐘籌款｜奶仔方紹聰孖舊同學吳業坤做毅行者 最難捱大帽山山頂只得7度

《野外步出》系列主持方紹聰（奶仔），繼早前赤腳行6日5夜為匡智會籌款，近日再參加樂施會毅行者，孖中學舊同學吳業坤（坤哥）通宵行山100公里。當中最難捱是大帽山路段，因為當刻氣溫驟降，山頂只有7、8度，估計體感溫度只有2、3度，奶仔搞笑話：「大家完全係無嘢講，係凍到癲咗。」

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

{{hket:inline-image name="Copy138.JPG"}}{{/hket:inline-image}}

{{hket:inline-image name="1.jpeg"}}{{/hket:inline-image}}

奶仔接受《晴報》訪問時表示：「呢次毅行者籌得嘅善款，會用嚟幫助有需要嘅人，暫時我哋籌到萬幾蚊，我哋負責出錢出力，希望可以再籌多啲。（這次行山路線很複雜？）基本上喺西貢開始，穿過晒啲山路去元朗，行晒成條麥理浩徑，途經雞公山、馬鞍山、飛鵝山、畢架山同大帽山等，最後就去到元朗大棠。（全男班較方便？）無錯，都無辦法，因為要喺個山咁多個鐘頭，同你講我搵公廁你都唔信。」

方紹聰回饋匡智會照顧智障胞姐 六日冒雨赤腳行籌款完成創舉【下一頁】

至於此行有否難忘搞笑事情發生？奶仔話：「最難忘係沿途好眼瞓，我哋夜晚9點鐘開始行，因為我之前要拍嘢關係，嗰日朝早7點鐘起身開工，收工就開始去行山，行咗卅幾個鐘，計返有50幾個鐘頭無瞓過。就算隊友瞓多我十幾個鐘，後段大家都迷迷糊糊咁行，坤哥仲爭啲跌落坑渠，而我有幾段路係瞌埋眼捉住坤哥隻手，由佢帶住我去行，行完之後到佢捉住我隻手行。同埋遇到氣溫驟降，真係超級凍，當時大帽山山頂只得7、8度，大家完全係無嘢講，係凍到癲咗。」他不忘多謝大會人員的支援，供應所需物資給他們，而最開心是大家去到終點時，仲可以笑出來。

（↓點擊放大睇圖片↓）

問到今次揀坤哥做隊友的原因？奶仔指二人本身是朋友，加上見識到坤哥挑戰全長約492公里的「東海道五十三次」，於是決定搵對方一齊行善，「始終毅行者唔係個個行到，要行100公里真係唔簡單；今次同佢絕對有增進感情，始終大家共患難咗卅幾個鐘頭。（特登無女隊友？）今次係比較倉促，同埋好少有女藝人可以捱到呢幾十個鐘，女仔行山係可以好勁，但真係講到『堅』行，就唔係咁簡單嘅事。」這次Gang Hike隊最終以34小時48分鐘完成賽事，奶仔指他有份成立隊伍，只要時間許可，就與圈內、圈外朋友挑戰行山路線，當中優閒組行簡單路線，高級組則主攻與今次同類的路線，他更希望日後有機會搞慈善比賽。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}