電影《梅艷芳》│梅艷芳失聯姨甥受訪感遺憾 潘文皓：「望住星星會記得佢」

傳記電影《梅艷芳》放映以來叫好叫座，電影票房已經突破4,000萬，成績非常之好。日前梅艷芳的胞兄梅啟明入稟高等法院，控告安樂影片，指電影公司侵犯其持有的「梅艷芳」商標，引起熱論。昨日，梅媽媽梅覃美金除咗直斥兒子財迷心竅之外，更發聲明劃清界線，表示自己從未知悉此事件，亦不會參與此後相關事宜及評論。

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

梅啟明指電影《梅艷芳》侵犯商標 入稟高院申請禁制令和賠償【下一頁】

{{hket:inline-image name="eXFxuh_a_3YDieG9t0Yb4ADVwkaAyzLD2c3AcNnNwHA.jpg"}}{{/hket:inline-image}}

{{hket:inline-image name="800_dc347bdefd0a0a9aac7e9e6846eee77csaasftp20200221.jpg"}}{{/hket:inline-image}}

車淑梅在電台節目《舊日的足跡》特別訪問到梅艷芳失散21年的姨甥潘文皓，亦是姐姐梅愛芳的長子，文皓已經28歲，他在社交平台透露看過《梅艷芳》電影已經3次，感觸良多，表示︰「睇咗三次，第一次嘅感覺難以形容，長期處於想流淚同流緊淚嘅狀態，再睇第二次、第三次都有唔同嘅感覺，有好多地方好感動。當睇到媽咪同姨姨喺舞台表演嘅時候，我眼淚不禁流落嚟， 我可以親眼見到佢兩個寶貴嘅姊妹情，我細個嗰時見唔到嘅……媽咪走嘅時候我7歲，姨姨走嘅時候我11歲，我唔喺佢身邊。」他由六年級開始一直在溫哥華生活，直至近來才得悉姨姨生前一直有找他們，「當年我哋唔喺香港，唔知佢搵我哋，如果知道，爹哋一定會帶我同細佬返嚟見佢；所以當我知道佢一直有心搵我哋，亦係佢臨終前一個心願，我真係好難過。我而家大個咗，可以幫佢完成心願，即係佢可以搵番我哋喇！」

梅愛芳和梅艷芳早逝，在文皓心目中都是很好的人。「媽咪好稱職，好畀心機教我同細佬，腦海裡邊好難諗到一個畫面佢鬧過我哋。佢係一個好積極樂觀嘅人，遇到乜嘢難題都係笑住面對，正如電影情節一樣。姨姨係一個好直、好有為、好堅強嘅人，佢好鍾意講笑令身邊人開心，時時刻刻為人 哋設想。細個嗰時我有少少驚佢，因為佢把聲好有力量同埋威嚴；有冇畀佢鬧過？我唔記得，但係我真係有少少驚佢，我知道佢係大明星，係個永不放棄嘅人，電影中佢話『只要有信心 世上無難事』呢一句正正係用佢生命話畀我哋聽。」

電影《梅艷芳》丨梅啟明評王丹妮演出只有50分 遺憾沒有梅媽一角感失真【下一頁】

文皓透露現時和弟弟也是做有關IT的工作，爸爸身體很健康，他預計未來半年有望返港探望婆婆，「我聽日會睇《梅艷芳》第四次，隔幾日再睇一次……直到落畫，因為每一次都有唔同感受。睇三次都流眼淚嘅場面就係見到姨姨探媽咪，媽咪病床上有張相見到我同細佬，佢望住話『唔知可唔可以睇住我哋長大』，就係呢一句，我聽到好難過……好遺憾佢唔可以睇到我哋長 大，我想同媽咪講，佢喺天上一直看顧住我同細佬，所以我哋唔可以做一啲令佢失望嘅事，我會好好 咁生活落去。姨姨佢嗰種精神，將所有精神同時間貢獻畀歌迷、音樂、舞台……遺憾佢冇結婚，嫁咗畀舞台同大家，佢呢個態度好值得大家敬佩！我希望佢知道而家仲有好多人繼續愛佢、掛念佢。姨姨講過希望有一晚，大家食完飯出去望住星星嘅時候，會記得佢，一個曾經為我哋帶來小小歡樂嘅朋友，會記住佢個名叫做梅艷芳；我會一路一路記住佢，永遠永遠以佢為榮！」 文皓於專訪末特別補充：「我同細佬好想多謝姨姨留畀我哋嘅教學基金，等我哋可以順順利利咁讀 完大學，而家又有一份幾好嘅工作。」 

{{hket:inline-image name="800_28965e2360629bfdc82b23335420833esaasftp20200221.jpg"}}{{/hket:inline-image}}

{{hket:inline-image name="800_b16acf00351b119962b3c9dc400ac988saasftp20200221.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}