與林愷鈴互笠高帽 ANSONBEAN勁冧︰男仔鍾意呢種女仔

陳毅燊（ANSONBEAN）、林愷鈴（Ashley）、應智越（細貓）、以及英皇新人劉若寶（Polly）和黎峻，昨日到Mikiki出席《ULTRAMAN超人體驗館》揭幕儀式。ANSONBEAN與Ashley繼拍攝廣告後再合作出騷，Ashley激讚男方可愛有活力，ANSONBEAN亦大讚女拍檔︰「男仔都鍾意呢種女仔。」

陳毅燊昨日率先試玩「ULTRAMAN超人360°全景攝影裝置」，只見他興奮大擺多個超人招牌甫士，十足大細路。聖誕節將至，ANSONBEAN表示屆時要拍戲，但會抽時間跟家人食火雞慶祝；而將於明年港大建築系畢業的林愷鈴，則透露剛完成考試，聖誕會與中學同學露營洗滌心靈。問Ashley在過往聖誕有否獲男生邀約？Ashley笑言︰「聖誕節好浪漫，但自從14歲開始已經有拍攝工作，非常忙。」

Ashley盼做MV女主角

ANSONBEAN與Ashley曾合作拍廣告，ANSONBEAN笑言日後若有機會，想邀請Ashley做MV女主角，Ashley聞言即說：「梗係應承！每次同佢合作都開心。（呢種男仔加分？）絕對，佢好有活力，畀大家好多歡樂，同佢合作成日要忍笑。」問她可喜歡這類男生？她笑說：「大家都啱，有邊個唔鍾意呢種男仔。」問到ANSONBEAN是否也對Ashley心動，他尷尬笑說：「男仔都鍾意呢種女仔。（呢種女生好難追？）係呀！」另外，去年參加《全民造星III》的英皇新人劉若寶，透露有追看近期熱播的《造星IV》︰「我鍾意Marf（邱彥筒）同Day（許軼），Marf跳舞動作好靚，好值得學習。」

採訪︰Steven

攝影︰林良明

美術︰梁政敏