東張西望│黃穎君驚到爆照闖富亨邨曱甴屋 網友：好恐怖完全食唔落飯

《東張西望》一連三日報道富亨邨曱甴屋的事，單位衛生環境欠佳，對鄰居造成嚴重困擾，更投訴無門。事件被揭發後，《東張西望》聯同義務滅蟲公司一齊闖入有關單位，進行曱甴殺戮大行動。節目組全程直擊屋內的環境，攝影師和主持人黃穎君都穿上保護衣，不過當滅蟲公司的消毒藥水噴勻全屋，屋內的巨大曱甴即時大逃亡，甚至走上工作人員的保護衣內外，非常恐怖。

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

東張西望│曱甴屋婆婆搬竇2個月即被迫遷 街坊叫苦連天：曱甴多到好恐怖【下一頁】

{{hket:inline-image name="tt17.jpg"}}{{/hket:inline-image}}

{{hket:inline-image name="tt16.jpg"}}{{/hket:inline-image}}

{{hket:inline-image name="tt5.jpg"}}{{/hket:inline-image}}

{{hket:inline-image name="tt15.jpg"}}{{/hket:inline-image}}

單位內雜物非常之多，清潔過程都非常困難，而且屋內有很多食物都已經腐爛並被棄置一旁，間接成為曱甴的天堂。鏡頭下所見，單位內的曱甴數量不計其數，旁白指有過千隻曱甴，畫面實在非常震撼。特別是廚房有一個暗門，打開之後發現入面有成千上萬的曱甴，情況恐怖到連節目組都要打格仔不敢直接出街。

雖然節目播出時已經多次提醒畫面令人不安，不過《東張》由於晚飯時間播出，實在令觀眾吃不消。「嘩！真係一山還有一山高㗎喎！」、「好恐怖呀睇完食唔落飯呀」、「唔夠膽睇，太恐怖」、「一路睇一路作嘔，難為住佢附近嘅居民」、「真係隔夜飯都嘔埋出來」、「最勇敢係記者和攝影師」等等。

東張西望│聾啞女喪父後被女保安鵲巢鳩占 屋企遭換鎖門外露宿 街坊抱不平【下一頁】

黃穎君接受《晴報》電話訪問，她表示：「其實本身我係好驚，連續幾次探訪，我第一次都唔敢入屋，不過見到班幕後同事好勇敢，同埋好想了解佢背後苦衷，唔可以浪費大家心血。同事好好，清空少少空間畀我入屋去拍攝，雖然見到嘅係屍體，但真係好驚，因為佢啲垃圾密密麻麻，每掀開少少物件就會有曱甴走出嚟。」她透露今晚的一集將會訪問到事主，了解到他的生活情況，問到觀眾會否生同情之心？她說：「同情與否就大家去判斷，不過我哋得到事主妹妹同意入屋，見到佢好多覆診紙同小額錢債信件，我哋更想了解佢面對緊啲咩！上次探訪佢飲醉咗，後來我哋搵日早少少去搵佢，希望佢喺清醒之下做訪問。」

{{hket:inline-image name="tt10.jpg"}}{{/hket:inline-image}}

黃穎君指節目組都有聯絡上義工和社工，希望幫到事主，她認為：「我覺得大家都要留意，如果鄰居有隱密性問題，問題越早發現就越好，伸出援手，否則越耐問題就一發不可收拾。我都好開心做《東張》主持，除咗娛樂性話題性，都希望大眾見到我哋作為傳媒嘅使命感同責任感。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}