一起走過｜陳煒早過王丹妮扮演天后梅艷芳 遇見梅姐獲本尊親口正面評價

1996年亞姐冠軍陳煒早期出道時，曾多次被指似天后梅艷芳，早於《美麗傳說2星願》（2005年）及《梅艷芳菲》（2006年），已兩度在劇集中飾演其偶像梅姐，獲得不少人大讚神還原，比今年由王丹妮主演的傳記式電影《梅艷芳》還要早。陳煒這晚接受楊紹鴻同寶珮如主持的港台訪問節目《一起走過》，分享她扮演梅姐的感受，更講到二人曾於晚宴上碰頭，有緣獲梅姐親口評價。

{{hket:inline-image name="244750046_395190868825462_8561510954721826291_n.jpg"}}{{/hket:inline-image}}

{{hket:inline-image name="12061006.jpg"}}{{/hket:inline-image}}

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

陳煒是選美冠軍出身，出道時毫不錫身，肯搏又肯捱，被外界封她為「煒哥」。陳煒笑說：「因為第一套戲拍蕭笙嘅《雪花神劍》（1997年），嗰時要做個打女，成日都要吊威也，舞刀弄劍。幕後同我開工好開心，話我呢個女仔點解咁活潑嘅，覺得我咩都得，吊威也幾個鐘頭又得，好似無時停咁，覺得我好勁，唔係一個女仔，係一個男仔。」

陳煒48歲生日接受陳國強求婚 幸福曬巨型鑽戒：感恩有你【下一頁】

由於外形勁似天后梅艷芳，陳煒先後於亞視《美麗傳說2星願》及內地劇《梅艷芳菲》飾演過梅姐，比王丹妮更要早飾演梅姐，而兩人都被外界認同扮得神似。陳煒話：「第一次係晶哥（王晶）同亞視合拍嘅《美麗傳說2星願》，呢套戲係幾有情懷，講番幾個而家當紅嘅名星喺80年代嘅成長，係一個幾勵志同埋傳記嘅故仔。（當時如何去演繹？）梅姐當然都係我自己嘅偶像，細細個由佢新秀開始睇，好多歌我都識，演唱會、電視劇同電影都有睇過，但我從來無諗過自己同佢似樣……幾時有咁嘅感覺呢？真係入行時剪短頭髮，我以前（頭髮）係長到落腰，選美（亞姐）時剪到見耳仔，嗰時啲人就覺得我似，自己都唔知、唔覺，到《美麗傳說》搵我，造型出嚟時個個拍爛手掌話似，可能造型上幫到我好多。」

思家大戰│陳煒獲台前幕後票選「萬歲王」 「大家咁辛苦 食好嘢一齊開心吓」【下一頁】

陳煒指兩次扮梅姐是一個緣分，並談及二人見面時情形，「見過佢一次，嗰時我仲喺亞視時候，記得公司有位高層嘅飯局，其實係梅媽癌病基金會嘅宴會，嗰次有幸、有機會見到梅艷芳小姐，佢仲同我講嘢話『啲人話你似我喎，都幾似』，哈哈。」

（↓點擊放大睇圖片↓）

細數入行至今最喜歡角色的頭三位，陳煒指頭位是《梟雄》桂生姐，第2位是《宮心計2深宮計》太平公主，第3位是《梅艷芳菲》方妍梅，「《梅艷芳菲》係第一套我可以領悟到個角色，做一次梅艷芳唔夠，覺得好多嘢未預備好；第二次可以有機會改善之前做得唔好嘅地方，個戲本身我又參與好多，唯一一個遺憾係當時配國語，如果做到廣東話原聲會更加好。香港係無上過，當年內地播出時係地方台收視第二位，以前始終網絡唔發達，無咁多人知。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}