十月初五的月光｜50歲康華渴望再當上女主角 「一定要保持住呢個heart」

「美魔女」康華今個月「入五」（50歲），她於1994年以港姐12強的身份入行，至今在港劇從未當過主角，反而早年轉戰內地時已嘗當女一滋味。近年為照顧父母的康華，亦多留香港工作，讓香港觀眾在熒幕上再次欣賞到她的演技，無獨有偶，繼《宮心計2深宮計》的韋家雄這「熒幕情侶」後，最近《星空下的仁醫》及《十月初五的月光》內，她同樣跟海俊傑飾演夫妻。

{{hket:ul-video id="4852"}}{{/hket:ul-video}}

{{hket:inline-image name="KISP06142.jpg"}}{{/hket:inline-image}}

{{hket:inline-image name="12062003.jpg"}}{{/hket:inline-image}}

{{hket:inline-image name="12062005.jpg"}}{{/hket:inline-image}}

康華在2000年版本《十月初五的月光》內，是金勝（唐文龍飾）的媽媽「金素英」，很早已「領飯盒」被「萬朱莎華」（陳曼娜飾）逼死；今次新版本跟萬朱莎華（姚嘉妮飾）也離不開關係，對方想搶走其丈夫祝展輝（海俊傑飾）。康華表示：「同舊版本唔同，今次我做『馬冰心』。之前『金勝阿媽』係畀『萬朱莎華』逼到跳樓，今次『萬朱莎華』就想搶我老公……覺得幾得意又好奇怪，前後有少少連續嘅感覺。呢個角色我都好鍾意，比較溫文，接近我性格多啲；我明白觀眾對萬朱莎華呢類角色會特別有印象，希望我今次嘅演出可以畀到觀眾一啲新鮮感。如果我可以揀角色，真係個個角色都想揀嚟做！做演員冇乜嘢所謂，好多角色都想嘗試。」

師父有請丨康華「屍山」拍節目同行主持領嘢 白彪遇附身事件靠軍人「驅魔」【下一頁】

對於跟海俊傑續做熒幕情侶，康華說：「我同海仔啱啱合作咗《星空下的仁醫》同埋《十月初五的月光》，都係同佢做夫妻，仲有韋家雄、安仔（郭晉安）都係合作無間。佢哋三個各有千秋，有唔同性格，有唔同感覺，一個好搞笑，一個就溫文，一個就好可愛，每次演熒幕情侶都有新火花，好開心！（現實生活Mr. Right已出現？）Mr. Right呢……我就覺得最緊要隨緣，時機未到，時間到我一定好好珍惜。（父母無催促你拍拖、結婚？）冇催呀，係好自由嘅，佢哋覺得我開心就得，亦都唔會特登push我、強迫我。感情係自己感受嘅，最緊要自己舒服、開心，所以佢哋從來無催過我㗎！」

堅離地愛堅離地｜康華與劉佩玥相差18歲演母女 投資有道有4層樓是圈中小富婆【下一頁】

坊間封康華做美魔女外，亦知道她是孝順女，為照顧父母亦多留香港工作。康華笑言對美魔女封號「有點壓力」，認為keep fit是女性一生的職業，「尤其係呢個年代，keep fit係對自己負責任，間唔中你覺得辛苦時會去平衡一下、運動一下，都會令自己開心；想食乜嘢就可以隨意去食，但食完之後要做番適當嘅運動，覺得呢個方法係幾好。（未來工作還是集中於香港？）順其自然啦，我喺香港接到工作，兩樣嘢可以兼顧，喺香港可以照顧到屋企人；如果屋企人身體幾好嘅時候，我就有機會接其他地方嘅工作，我去第二度工作，或者嘗試帶埋父母一齊去。」

（↓點擊放大睇圖片↓）

康華加入娛樂圈逾20年，早年多演反派角色，2007年離開無綫後往內地發展，並有機會當上女一（《八仙全傳》何仙姑），同郭晉安一度成為熒幕情侶，演藝事業發展看似不錯。期後她在無綫多演配角，在2015年播出的《刀下留人》飾演萬貴妃，得不少觀眾認同是「最正奸妃」，2018年還推出歌曲《拼火花》。康華仍然恨做女主角，「每一位演員都會有呢個渴望，好慶幸喺第二度拍戲都嘗試過做女主角，有過做重要人物嘅機會……（演藝事業）呢樣嘢要好有heart，你一定要保持住，先會演得好，齣劇先會好睇。heart一直都有，呢樣嘢我唔會掉低，無論做主角或其他唔同角色，係要有呢份heart先會做得好。」

撰文：梁榮達

Make-up: Marc Woo@MM AVEDA

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}