黃翠如笑老公傻氣曬偷拍相放閃 蕭正楠行超市必做一事感動老婆

現年40歲嘅黃翠如兩個月前情緒疑似出現問題，接連缺席劇集同節目嘅宣傳活動，咁啱老公蕭正楠北上搵銀，身邊冇人陪伴，令人更加擔憂。翠如之後去咗內地搵老公，更在網上上載同老公蕭正楠嘅合照，留言：「走了一個大圈，找回我的電池。」老公就係佢最好嘅心靈良藥！

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

{{hket:inline-image name="589de0615d96ead0327fa8bba292b45dsaasftp20200221.jpg"}}{{/hket:inline-image}}

翠如呢兩個月不時出post分享同老公去「遊山玩水」嘅點滴，今日佢再次出招放閃，po出兩張老公一臉傻氣嘅相，留言：「妹妹send了一張之前偷拍她哥哥的照片來，當時他在為我代言的沐浴露，一個（支）一個（支）排整齊，他妺妹取笑了他很久。每次跟他去超市，他都喜歡走去那一排巡視，很傻氣，但總令我感動。我知道我是很幸福的，也很足夠。」唔少fans都大讚蕭正楠呢個小舉動好窩心，仲睇得出佢真係無時無刻都掛住老婆，非常痴纏。

好友陳自瑤見到呢個閃光彈都忍唔住留言：「咁sweet，得唔得㗎？」同時有好多fans表示自己都會因為翠如而去「睇」呢支沐浴露，留言：「我次次行超市都有幫你巡視啲沐浴露，然後再帶兩支返屋企㗎，仲keep咗好多張你嘅貼紙添」、「去超市明明唔需要買沐浴露，但我都係好習慣去巡一圈，睇我啲魚（黃翠如）」、「我也從香港扛了很多你代言的沐浴乳回台灣，行李還超重」唔少人都話唔介意佢放多啲閃光彈，幸福就好，好羨慕佢嫁咗個好老公，睇嚟翠如除咗有老公錫之外，都被fans嘅愛包圍！