《娛樂頭條》正式回歸，節目停播半年時間，昨晚（6日）重新安排在凌晨12點播出，由周奕瑋擔任主持，頭炮特別邀請到最近爆紅的陶大宇，身處廣州受訪。陶大宇近日在內地登台獻唱《倒轉地球》，憑他出色的台風和動作，令他再次人氣上升，香港網友更成立「關注組」瘋狂分享他的登台影片，揚言：「大宇不紅，天地不容！」網友們認為他奪得「叱咤樂壇我最喜愛的男歌手」才是實至名歸，希望他可以回港公開獻唱，風頭非常厲害！
同場加映：拳王│許家傑好人難做演奸角成專業 「慶幸自己11年前冇入錯行」
陶大宇唱《倒轉地球》再度爆紅 關注組人數激增：我笑到喊【下一頁】
《娛樂頭條》片段中，陶大宇現身在廣州的餐廳，接受訪問，期間不少群眾要求合照留念，大受歡迎。大宇特別選唱《倒轉地球》的兩句歌詞，祝福香港的觀眾，希望疫情盡快消失，他開金口前搞笑叫大家移後少少，又話要運氣。大宇氣運丹田獻唱：「送走擔憂，今天解放只想要自由。噓！」最後一下神還原「噓」的動作，實在非常幽默，又太震撼！
大宇受訪時表示：「而家現象令我好迷惘，究竟我仲應唔應該唱得更加好呢？其實我唱歌唔係咁難聽……如果唱得咁好，就唔係咁樣嘅成就。（水撥手勢？）本身諗住同大家互動一下，打個招呼、揮吓手，點知又揮得幾過癮，就出現呢個效果。」對於今次翻唱劉德華的《倒轉地球》，大宇搞笑表示歉意，說：「華哥仔，唔好意思，搞到你首歌咁樣，不過，你唔會怪我嘅。」
師奶殺手｜58歲陶大宇抖音曬舞技被封舞王 網民呼喚舊拍檔郭可盈出場【下一頁】
節目《娛樂頭條》早於2009年開始播出，主要是報道當日的娛樂消息和相關新聞，多年來節目多次調動，2016年改革，取消娛樂新聞主播主持的環節，直接剪接新聞片段加上旁白推出。而節目於今年6月播出最後一集之後，停播半年時間，沒想到突然「翻生」，更找來觀眾緣頗佳的主播周奕瑋主持，難怪他昨晚都興奮說：「《娛樂頭條》返嚟喇！」
另外，陶大宇接受香港電台《騷動音樂》訪問，他表示見到香港觀眾記得自己及其代表作品，感動到有點「眼濕濕」，「我好多謝聽眾，點咁好嘅歌畀我聽。雖然我哋冇直接嘅傾偈或者對話，但係喺啲歌裏面，我真係可以幻想到 一啲感覺。聽完歌，我都有啲感慨，就係『點歌』呢兩個字，因為而家嘅文明、而家嘅科技，好似已經失傳咗、失蹤咗同毀滅咗。大家今時今日仍然係可以『點歌』，我覺得真係要珍惜同慢慢享受。 大家試幻想吓，如果呢個世界係冇咗音樂，冇咗歌，呢個地球就真係倒轉㗎嘞！生活都冇意思、冇 希望，所以音樂同歌係幾重要呢！」對於網民笑言要推舉陶大宇為本年度「我最喜愛男歌手」，他以「心花放」招牌笑聲大方回應︰ 「嗱！就係因為咁嘅成就，我更加要做一個聆聽者，我都係做返一個『我最喜愛聽音樂嘅人』會比較好啲，聽歌嘅人會比較好啲，哈哈哈！點都好啦，我真係好多謝大家嘅，得啖笑啦。我覺得開心快樂係好重要，將來仲有好多路要我哋去行，生活上仲有好多困難要去面對、去解決，我哋一齊加油。衷心多謝大家！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉