由蝦頭楊詩敏和連詩雅主持的網台節目《絲打圍爐》近日播出第四集，兩人特別邀請到鄭融擔任嘉賓，今次話題主要圍繞與外國男士交往的事，早前她承認跟拍拖八年的老外男友分手，回復單身，絕對有話題可以分享。節目一開頭連詩雅已經話：「呢個話題我搭唔到嗲，我未試過同外國人拍過拖。」沒想到鄭融說：「唔好扮搭唔到嗲啦！你以前中學都係國際學校，身邊好多外國人朋友...咪係囉！」火花十足。。
同場加映：拳王│許家傑好人難做演奸角成專業 「慶幸自己11年前冇入錯行」
獨家│連詩雅33歲生日16歲小鮮肉賀壽 吳若希弟Carson簽模特兒公司出道【下一頁】
連詩雅表示不可以跟外國人拍拖，是不可以跟他們講疊字，她說：「講攬攬，佢哋唔會明。」鄭融就大唱反調，認為可以教對方，她說：「我以前會教，因為我會同佢講疊字，我唔理佢聽唔聽得明，總之我要講，講完之後，佢仲唔明，我就話佢知點解，例如攬攬，means hug，ok？」不過鄭融指跟外籍男士拍拖，會較少撒嬌的機會，反而香港人跟香港人相戀，會較明白撒嬌是文化的一種，猶如找到位入的連詩雅立即插嘴說：「嗱！所以我抗拒外國人，都係因為呢個原因。」鄭融續說：「我曾幾何時都諗過，英文係冇撒嬌呢個字，嗲都冇㗎，外國人係好直接，有咩就講，唔好估。」
蝦頭透露身邊有很多女性朋友，但凡是外國人都會喜歡，會覺得自己有一種優越感，連詩雅無啦啦又指自己曾與外國人拍拖，說：「我細個唯一有諗過，純粹想生個混血BB，我試過鍾意過一個外籍人士，唯一一次，佢真係冇嗲，我同佢講英文，問題係冇嗰啲我要瞓瞓、我要攬攬、或者我好攰攰，有時我覺得呢啲係情趣。」
鄭融身形細細粒 爆童顏不老秘密 無懼被套光環：冇諗過行差踏錯【下一頁】
蝦頭問鄭融為何會選擇外籍人士？鄭融說：「佢係我中學同學，唔係老土，真心話，係隨緣，但而家你問我，如果有個外國人追我，我係99%應該會拒絕。」她認為文化、溝通是最重要，蝦頭亦十分認同，她指如果要跟外國人吵架，英文根本不能發洩當刻的嬲怒，鄭融說：「我經歷過呢個情景，最多只可以講Fxxk You，仲有好多想講，不過佢唔會識聽，嗰刻就會覺得自己輸咗。」雖然拍拖8年，但到最後大家已經將溝通放棄了，續說：「我又冇覺得可惜，可以用自己語言溝通，同番香港人一齊會比較適合自己，可能人大咗，以前唔介意西餐，但而家慢慢覺得我都係鍾意食蒸魚、炒餸、煮飯，星期日去飲茶，不如搵一個同自己喺生活節奏上夾到嘅一個人係最重要。」
蝦頭楊詩敏被出賣大量風塵舊相 對眼大幾倍：「我真係冇整容」【下一頁】
她們越講越起勁，蝦頭講到外國人不論外貌、身形都十分吸「睛」，她說：「仲有一啲更重要，好多女仔都追求，如果喺性方面，例如size，如果唔係點解會叫『洋腸』。」鄭融帶點尷尬笑說：「我諗起我個女性朋友，佢話見到最小size，竟然係外國人。」蝦頭直言外國人的尺碼不一定大，亞洲人亦有「巨鵰」，她說：「我意思係大家討論吓，究竟係唔係呢，原來你都見過...唔係...你個朋友...」鄭融大方地表示：「我都見過，如果我話冇見過，我諗熒光幕前嘅觀眾真係掟雞蛋啦！8年點會冇見過？唔好咁核突啦！」蝦頭笑說：「我意思係冇見過奀Dick（小鳥）。」連詩雅說：「可能你要遇過某幾個，先可以知道吖嘛，你點知個定義係乜嘢...」鄭融答她：「滿足唔到自己囉！」
節目尾聲有個「來自地獄的拷問」的遊戲，規則是如遇不想答的問題可以選擇飲酒，連詩雅抽到一條問題，要以3種食物形容港男、外國人和日本AV男優的下體，蝦頭立即問她：「你會唔會唔答？幻想下啦！」連詩雅說：「因為我冇概念，我飲吖，唔使問喇！」蝦頭說：「香腸、香蕉、青瓜。」
責任編輯：楊安莉
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】