林師傑與太太移居英國兩個多月 望開農場經營民宿自給自足

33歲的林師傑去年6月宣布離開TVB，轉型做獨立歌手及直立板教練，他原來兩個月前已與太太歐陽巧瑩，帶同兩隻狗仔移民英國。日前師傑在IG開live，同網民傾吓偈之餘，亦分享在英國的生活及未來發展。

{{hket:inline-image name="249459275_655212819198272_852785931130431780_n.jpg"}}{{/hket:inline-image}}

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

林師傑表示嚟到英國放低好多包袱，又發現人與人距離唔係地方可以相隔得到，「好多朋友都會問你幾時返香港，to be really honest，你哋可以隨時DM（私訊）我，或透過電話聯繫，我哋係近過以前。喺呢度多咗空間同時間，我唔想返嚟……喺香港，唱片公司唔buy，電視台唔buy，哈哈！後來有上ViuTV，有拍劇，《CHILL CLUB》都有邀請我，不過身處香港嘅時候，我動用唔到一啲事物做到我想做嘅嘢。」佢又話覺得而家同大家距離更加近。

{{hket:inline-image name="lam5.png"}}{{/hket:inline-image}}

他又指希望嚟到英國有個屬於自己的農場，「可以經營B&B招待你哋嚟住，我又會繼續整理舊車，畀你哋可以租我啲車享受countryside（郊外），我又可以繼續教SUP（直立板）、yoga（瑜伽）、種田……」佢亦透露自己籌備緊一個專頁，會分享素食、瑜伽、同冥想點樣可以幫助維持身心靈嘅健康等，希望大家支持。

而歐陽巧瑩昨日亦在IG發文，講述她與老公決定移民的原因。「香港係我嘅根，從來都冇諗過自己會離開香港。記得三年前，結婚度蜜月人生第一次踏足歐洲，周圍都好靚，老公同我講：『第日想同你一齊嚟呢啲地方生活』。我記得我嗰陣答佢：『我真係太鍾意香港喇，冇地方比香港更啱我』。」

{{hket:inline-image name="126176167_200530471524558_1235801800098029002_n.jpg"}}{{/hket:inline-image}}

最後歐陽巧瑩選擇離開香港，「我想做嘅嘢，留喺香港真係做唔到，冇空間冇自由，希望大家明白。有緣人喺英國相遇記得同我哋相認啦，大家互相支持，我可以整叉燒你食 (係超好食)。」

歐陽巧瑩亦在社交網分享數張與愛犬搭飛機的相片，兩公婆移民都不忘家中的小動物，堅持「移民不棄養」。她又指自己養了兩隻狗(八哥&芝娃娃)，但不可以帶八哥直飛英國，所以要先飛瑞士，再轉機法國，最後在法國搭寵物的士去英國。「全程30個鐘，Billy & Tado真係好叻好乖，好適應！ 」她又指遲啲會拍片，與大家分享更多在英國的生活。

【正式離巢無綫】林師傑被「恩賜」僅包年薪萬二蚊 歐陽巧瑩意有所指：多謝放生【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】