【聲明】港生活網站並無進行電話推廣活動

南丫島慶生遇驚險事 洪永城準備迎接「洪寶寶」

發佈時間: 2021/12/08

洪永城(Tony)和太太梁諾妍(Inez)的愛情結晶品「洪寶寶」快將出生,Tony昨日出席活動時,坦言心情緊張又興奮。前日38歲生日的Tony,透露與太太到南丫島慶祝時,太太突然肚痛,幸好最後只是虛驚一場。

洪永城、鄭詩君(C君)、鄭俊弘等昨日出席《凶宅清潔師》記者會,劇集將率先於myTV SUPER播出。兼任監製及演員的Tony及C君,對劇集相當有信心,並透露《凶》劇由籌備到完成,歷時足足三年。

另外,Tony透露昨早陪太太梁諾妍產檢,得知BB女將於一至兩星期內出世,現時心情十分緊張,但依然難掩做爸爸的喜悅。目前正拍攝《法證先鋒V》的Tony,表示已跟劇組請假兩星期,希望能陪伴太太Inez生B,他說︰「始終女人生BB嘅情緒好緊要,依家BB女仲未改名,會等佢出世之後交畀師傅改,我哋暫時叫佢乳名『洪寶寶』。」C君即取笑Tony︰「點解唔叫『洪寶仔』?」Tony甜笑道︰「我本『紅簿仔』一早交咗畀太太。」

傅嘉莉戴10件法器拍劇

提到Tony前日38歲牛一,與Inez到南丫島享受最後一個二人世界的生日,Tony表示︰「雖然出年嘅生日會多咗一個人,但係只要有太太同個女喺身邊,每一年生日都會好開心。」他又分享當日到南丫島的驚險事︰「同老婆散步期間佢突然間話肚痛,開頭我都好驚,叫佢『唔好痛住呀,呢度南丫島嚟㗎』,好彩後尾穩定咗。其實成件事好安全,BB嘅狀態亦都好穩定,大家可以放心。」

同場的傅嘉莉(Kelly)表示,拍攝《凶》劇前原以為是廠景及搭景拍攝,但後來得知要到荒廢學校及軍營實景拍攝,一度想辭演,她解釋︰「因為我係敏感體質,好容易對靈異嘢有反應,但係又覺得呢個題材好吸引,所以開拍之前我搵師傅攞咗啲法器,拍嘅時候戴咗十件小法器喺身,結果真係無任何唔妥。」

採訪︰Pauline

美術︰梁政敏

攝影︰林良明

南丫島慶生遇驚險事 洪永城準備迎接「洪寶寶」

Tony與Inez的愛情結晶品即將出世。(IG圖片)

南丫島慶生遇驚險事 洪永城準備迎接「洪寶寶」

Kelly直言拍劇期間不敢去廁所。