《造星IV》Sica被Out照挺梁祖堯

《全民造星IV》前晚選出30強，執生技巧超卓的Sica（何洛瑤）被B組導師梁祖堯（阿祖）foul走，反而失準的方方（方芷欣）卻有得留低，惹來網民炮轟阿祖堅持「永續方方」。不過，Sica前晚在IG發千字文為恩師發聲，大讚阿祖是有心的導師，「你（阿祖）幾乎每一晚都陪我哋留到好夜，幫我哋安排好多好有意義嘅exercise（練習）…又會請我哋食飯又或者煮飯鼓勵我哋。」她呼籲網民不要攻擊阿祖：「好希望我重視嘅人無一個會被人攻擊，佢哋從來都無欠過我任何嘢…十個名額（入圍者）真係好有限。」

另外，黃慧君（花姐）昨日亦在IG限時動態幫方方及阿祖出頭︰「因為咩事要攻擊佢哋？勇敢為自己夢想努力嘅年青人、全力栽培年青人嘅導師，點解你哋唔慶幸世界仲有佢哋嘅存在，反而要踐踏佢哋嘅努力？」