【聲明】港生活網站並無進行電話推廣活動

首度公開「第九胎」 姜濤獻唱金曲致敬前輩

發佈時間: 2021/12/09

MIRROR六位成員姜濤、盧瀚霆(Anson Lo)、呂爵安(Edan)、陳卓賢(Ian)、江𤒹生(AK)及柳應廷(Jer),前晚起假會展舉行一連兩場《Music On The Road》音樂會。期間姜濤不但首度公開第九首個人作品,更唱出多首經典名曲,冀向前輩致敬,認真有誠意。

音樂會由江𤒹生以《黑之呼吸》揭開序幕,炒熱全場氣氛;而呂爵安首次獻唱新歌《一表人才》,並自彈自唱《E先生連環不幸事件》,「教主」盧瀚霆亦罕有自彈自唱《不可愛教主》,為「神徒(Anson Lo粉絲)」送上驚喜。

Edan欣賞MC張天賦

姜濤在音樂會中則首度公開「第九胎」《鏡中鏡》,更演唱多首經典名曲如《浪子心聲》、《分分鐘需要你》、《追》等,他由衷表示︰「無佢哋就無依家呢個樂壇,出道嘅時候覺得呢啲歌好老套,但係入咗樂壇之後,我覺得我有責任將廣東歌帶出去,將佢哋嘅精神傳落去。」最後六子與全場粉絲大合唱《Ciao》和《我的快樂時代》,為歷時兩小時的音樂會畫上句號。

完騷後六子自評表現合格,但仍有進步空間,期待第二場表演能更完美。問姜濤演繹多位前輩的經典歌曲,他坦言︰「有壓力呀,只可以唱好佢…有特登上網睇番每首歌嘅歷史,有份責任喺入面。」早前姜濤受訪時曾揚言29歲要退休,他笑謂︰「好耐之前講,順其自然啦,依家可能25歲(退休)。」

此外,日前有傳商台有意打壓華納新人MC張天賦,以鋪路讓Edan奪男新人金獎,Edan回應道︰「實情唔係好清楚…我都好鍾意MC嘅作品,佢啲歌好好聽,以前參加《全民造星II》嗰時,好多人都話我同佢似樣,所以我哋都算熟,最緊要大家更加留意香港樂壇。」至於柳應廷早前承認與圈外女友Kelly出現感情問題,他直言有邀請女友欣賞演唱會,等忙完個唱後會好好處理感情事;陳卓賢則稱女友盧慧敏(Amy Lo)沒有前來睇騷,大家各有各忙。

採訪︰Pauline

美術︰梁政敏

首度公開「第九胎」 姜濤獻唱金曲致敬前輩

姜濤在音樂會上唱出新歌《鏡中鏡》,為「姜糖」送上驚喜。

首度公開「第九胎」 姜濤獻唱金曲致敬前輩

Anson Lo跳唱《Megahit》,熱力四射。

首度公開「第九胎」 姜濤獻唱金曲致敬前輩

隊長楊樂文(Lokman)任特別嘉賓,與AK合唱《虎道門》。

首度公開「第九胎」 姜濤獻唱金曲致敬前輩

Edan表演拿手琴技,自彈自唱《E先生連環不幸事件》。