陳蕾無信心奪叱咤「我最喜愛女歌手」

魏浚笙（Jeffrey）、陳蕾及張進翹（Manson）等昨日出席品牌活動，打入叱咤樂壇「我最喜愛的女歌手」五強的陳蕾，將與鄭欣宜、方皓玟、Serrini及陳凱詠爭獎，問她可有信心？陳蕾說︰「世事難料，但可能有奇迹，所以我會預先諗定啲感言，如果無準備，上到台會一片空白，如果無獎我都可以喺社交平台講番畀大家聽。」

至於Manson在電影《梅艷芳》飾演黃家駒，他透露是參加《全民造星III》之前拍攝的，十分榮幸能出演此角，他說︰「拍之前我都有睇番家駒嘅訪問同演出片段，留意佢講嘢同諗法。雖然好多人覺得我同家駒嘅外形好似，但我就唔係好覺。」Manson又預告明年將舉行音樂會，並期望能推出個人大碟。